Матей

7 Манген тай ка ден тумен, роден тай ка аракхен, чукинен ко вудар тай ка путерен туменге. 12 Тогава керен околенге о букя, колато манген он те керен туменге, соскето давкха сикавен амен о закони, ковато о Йехова диняс е Моисейес тай о лила, колато пишинде о пророкя. 13 Накхен таро вудар, ковато си танг, соскето о вудар, ковато си бухло тай о бухло дром ингален кариг о унищожение, тай бут мануша накхен лестар. 14 А о вудар, ковато си танг тай о дром, ковато си танг ингален кариг о животос тай хари мануша аракхен лен. 15 Пазинен тумен таро хохавне пророкя, колато керен пес сар бакре, ама андрал си бокхале рува. 16 Ка ахальовен кола си он, таро букя, колато керен. Ащи ли мануш те кидел дракха или смокинес таро каре? 17 О шукар каш дел шукар плодове, а о керно каш дел аравде плодове. 20 Тогава ка ахальовен кола си калка хохавне пророкя таро букя, колато керен он. 21 Нанай те дел андо небесно Царство секой, ковато пхенел манге ‘Господарю, Господарю’, а само кавка, ковато керел со мангел мо Дад, ковато си ко небес. 24 Секой, ковато шунел со пхенав тай керел лес, ка овел сар йекх гогявер мануш, ковато кергяс по кхер упрал баресте. 25 Тай о бришим чшордило, леня але тай о кхер пхердило паниеса, бари балвал започнингяс те пхудел мамуй лесте, ама ов на пело, соскето сине кердо упрал баресте.