2 Тимотей

3 Те жанес, кай ко последна диеса о животос ка овел бут пхаро. 2 Соскето о мануша ка дехен само пес, ка дехен о парес, ка хвалинен пес, ка овен барикане, ка хоратинен кханиле букя за е Девлеске тай за е манушенге, нанай те шунен пе дадес тай пе дая, ка овен неблагодарна, нанай те овен верна околенге, 3 нанай те сикавен любов кариг пе семействосте, ка икерен пересте, ка хоратинен хохавне букя за околенге, ка сигярен те керен со авел пес ленге, ка овен кханиле сар животна, ка мразинен о лачшипе, 4 ка керен кханилипе пе амаленге, ка овен тхуле шерескере, ка мислинен, кай си бари бути, ка дехен те овел ленге шукар, а нанай те дехен е Девлес. 5 Англал околенде ка керен пес набожна, ама нанай те живинен сар мануша, колато служинен е Девлеске. Наш салке манушендар. 12 Саворе, колато манген те ачшовен верна е Девлеске сар о Исус Христос, също ка овен гониме. 15 тай соскето отцикнярла сикавде тут таро свята лила, колато ащи те керен тут гогявер за те овес спасиме, соскето иси тут вяра ко Исус Христос.