Матей

16 О Симон Петър пхенгяс: „Ту синян о Христос, о Чшо е живде Девлескоро.“ 22 А о Петрес цидингяс е Исусес ригате, за те пхенел леске кай нанай право, тай пхенгяс леске: „Господарю, ма хоратине салка букя, давкха нисар нанай те ачшол туса“. 23 Ама о Исусес ирингяс леске думо тай пхенгяс леске: „Наш мандар, Сатана! Ту синян сар бар ме дроместе, колесте ащи те спънинав ман, соскето на мислинес сар о Дел, а сар о мануша.“ 24 Тогава о Исусес пхенгяс пе ученикиенге: „Ако декхой мангел те овел моро ученики, на требе вече те живинел за песке, требе те лел по пхарипе тай те пхирел палал манде. 25 Кавка, ковато мангел те спасинел по животос, ка мерел, а кавка, ковато мерел, соскето си моро ученики, ка живинел пак.