Йоан

5 А о Исусес дехелас е Марта, лакере пхеня тай е Лазариес. 21 Тогава и Марта пхенгяс е Исусеске: „Господарю, ако ту синянас атхе, моро пхрал нанаяс те мерел. 35 Тай о Исусес заруно. 39 О Исусес пхенгяс: „Махнинен о бар.“ И Марта, и пхен е манушескери, ковато мулосас, пхенгяс леске: „Господарю, вече ка кхандел, соскето накхле щар диеса“. 43 Кана пхенгяс калка думес, викингяс баре гласоса: „Лазаре икли!“ 44 Тай о мануш, ковато мулосас, иклило, а лескере васта тай лескере пире уле пакярде которенца. О Исусес пхенгяс ленге: „Махнинен о котора лестар тай мукен лес те пхирел.“ 45 Тогава бут таро юдея, колато гелесас паш и Мария тай дикхлесас со кергяс ов, започнинде те верувинен лесте, 46 ама десаве лендар геле ко фарисея тай пхенде ленге со кергяс о Исусес.