Лука

3 Кана накхле 15 бреша отсарто о Тиберий ачшило цари, кана о Понтий Пилат сине управители ки Юдея, о Ирод сине управители ки Галилея, лескоро пхрал, о Филип, сине управители ки Итурея тай ки Трахонитида, а о Лисаний сине управители ки Авилиния, 2 кана о Анна сине йекх таро баре свещеникя тай о Каяфа сине о първосвещеники, тогава о Дел хоратингяс е Йоанеске, е Захариескоро чшо, кана ов сине ки пустиня. 3 Ов пхиргяс ки пхув, която си турял и лен Йордан, тай пхенелас е манушенге те покръстинен пес, за те сикавен, кай си пишмани тай о Дел те простинел ленгере безеха. 4 Ачшило сарто си пишиме андо лил, ковато пишингяс о пророки Исаия: „Декхой пищинел ки пустиня: „Приготвинен е Йеховаскоро дром! Керен со требе, за те овел локо те пхирел пес лескере дроменде! 5 Пхерен пхувяса секо йекх бари хев, която си машкар о планини тай керен равно секо йекх планина тай баири. Изправинен о банге дрома тай керен шукар о дрома, колато нанай равна, за те овел локо те пхирел пес ленде. 6 Тай саворе мануша ка дикхен сар о Дел ка анел спасение“. 7 Далкхеске ов пхенелас е манушенге, колато авенас паш лесте, за те покръстинел лен: „Туме синьен сар сапа тай керен кханиле букя. Кой пхенгяс туменге, кай ащи те нашен таре Девлескоро наказание, ковато жарел тумен? 8 Първо сикавен е букиенца, колато керен, кай синьен пишмани. Ма мислинен туменге: „Амаро дад си о Авраам.“! Соскето пхенав туменге, кай ако о Дел мангел, ащи калке барендар те керел чшаве е Аврамиеске. 9 О товер си вече жи ке каштенгере кореня тай си готово те чшинел лен. Секо йекх каш, ковато на дел шукар плодове, ка овел чшиндо тай чшивдо анди яг“. 10 Тай о мануша пученас лес: „Тогава со те керас?“. 11 А ов пхенелас ленге: „Калкес колес иси дуй гада, те дел йекх лендар калкес, колес нанай, тай калкес колес иси со те хал, те дел калкес, колес нанай со те хал“. 12 Даже мануша, колато киденас данъкя, але те покръстинен пес тай пученас лес: „Учителю, аме со требе те керас?“. 13 Ов пхенгяс ленге: „Ма манген по-бут данъки далкхестар, кибор требе те манген“. 14 Десаве таро войникя пучле лес: „А аме со требе те керас?“. Тай ов пхенгяс ленге: „Ма лен парес зорле никхастар тай ма хоратинен хохавне букя за никхаске, а овен доволна таро парес колато икален“. 15 О народос жаренас те авел о Христос тай кана дикхенас е Йоанес, саворе чудиненас пес: „Те на овел ов о Христос?“. 16 Аке соске о Йоан пхенгяс саворенге: „Ме покръстинав тумен паниеса, ама палал манде авел декхой, ковато си по-зорало мандар тай ме на синьом достойно даже те путерав лескере сандаля. Ов ка покръстинел тумен святоне духоса тай ягаса. 17 Пе вастесте икерел и лопата, за те делинел о гив таро пхус. После ка чистинел кавка тхан тай ка кидел о гив пе хамбариесте, а о пхус ка тхарел ягаса, която нащи мударгьол“. 18 О Йоан пхенгяс бут авер-да букя е манушенге, за те сикавел ленге со си шукар те керен, тай продължингяс те шунярел и лачши новина. 21 О Йоан покръстингяс буте манушен, покръстингяс е Исусес-да. Тай жикай о Исусес молинелас пес, о небес путердило 22 тай упрал лесте ухлило о свято духос, ковато дикхьолас сар гълъби. Тай таро небес шундило гласос: „Ту синян мо любимо Чшо. Ту анес манге радост“. 23 Кана о Исусес почнингяс те хоратинел таро Дел, сине декхате 30 брешенгоро тай сарто мислиненас о мануша, ов сине е Йосифескоро чшо, колескоро дад сине о Илий, 24 колескоро дад сине о Матат, колескоро дад сине о Леви, колескоро дад сине о Мелхий, колескоро дад сине о Янай, колескоро дад сине о Йосиф, 25 колескоро дад сине о Мататия, колескоро дад сине о Амос, колескоро дад сине о Наум, колескоро дад сине о Еслий, колескоро дад сине о Нагей, 26 колескоро дад сине о Маат, колескоро дад сине о Мататия, колескоро дад сине о Семеин, колескоро дад сине о Йосех, колескоро дад сине о Йода, 27 колескоро дад сине о Йоанан, колескоро дад сине о Риса, колескоро дад сине о Зоровавел, колескоро дад сине о Салатиил, колескоро дад сине о Нирий, 28 колескоро дад сине о Мелхий, колескоро дад сине о Адий, колескоро дад сине о Косам, колескоро дад сине о Елмадам, колескоро дад сине о Ир, 29 колескоро дад сине о Исус, колескоро дад сине о Елиезер, колескоро дад сине о Йорим, колескоро дад сине о Матат, колескоро дад сине о Леви, 30 колескоро дад сине о Симеон, колескоро дад сине о Юда, колескоро дад сине о Йосиф, колескоро дад сине о Йонам, колескоро дад сине о Елиаким, 31 колескоро дад сине о Мелеа, колескоро дад сине о Мена, колескоро дад сине о Матата, колескоро дад сине о Натан, колескоро дад сине о Давид, 32 колескоро дад сине о Йесей, колескоро дад сине о Овид, колескоро дад сине о Вооз, колескоро дад сине о Салмон, колескоро дад сине о Наасон, 33 колескоро дад сине о Аминадав, колескоро дад сине о Арний, колескоро дад сине о Есрон, колескоро дад сине о Фарес, колескоро дад сине о Юда, 34 колескоро дад сине о Яков, колескоро дад сине о Исаак, колескоро дад сине о Авраам, колескоро дад сине о Тара, колескоро дад сине о Нахор, 35 колескоро дад сине о Серух, колескоро дад сине о Рагав, колескоро дад сине о Фалек, колескоро дад сине о Евер, колескоро дад сине о Сала, 36 колескоро дад сине о Каинан, колескоро дад сине о Арфаксад, колескоро дад сине о Сим, колескоро дад сине о Ной, колескоро дад сине о Ламех, 37 колескоро дад сине о Матусал, колескоро дад сине о Енох, колескоро дад сине о Яред, колескоро дад сине о Малелеил, колескоро дад сине о Каинан, 38 колескоро дад сине о Енос, колескоро дад сине о Сит, колескоро дад сине о Адам, колескоро дад сине о Дел.