Псалм

2 Ама ме още хари тай ка икльовавас таро правилно дром, хариеске на пельом. 13 Нанай файда, кай диньом всичко мандар ме сърцесте те на овел нищо мелало тай кай изтховгьом ме васта, за те сикавав, кай на кергьом нищо кханило англал о Дел. 16 Дикхльом те ахальовав калка букя, ама сине манге пхаро те ахальовав лен, 17 жикай на гельом андо баро свято тхан е Девлескоро, тай ахалильом со ка ачшол е кханиленца андо бъдеще. 21 Ама ме бут хавас холи тай ме вогиесте сине ман бари дукх. 22 Нашалгьомас ми годи тай нищо на ахальовавас, тере якхенде ачшильом сар животно. 23 Ама акана, винаги синьом туса, ту икерес ман ме десноне вастестар. 24 Ту дес ман годи, за те сикавес манге о дром тай после ка анес манге слава. 26 Ме телосте тай ме сърцесте на ачшили сила, ама о Дел си сар бут баро бар манге, колесте ащи те мукав ман са вогиеса. Ов си всичко со иси ман завинаги. 28 А ме мислинав, кай си мере лачшипнаске те овав са по-паше жи ко Дел. Кергьом е Най-баре Господариес, е Йеховас, мо гаравдуно тхан, за те шунярав саворе букя, колато керел.