Ефесяни

3 О свято духос кергяс тумен те овен сар йекх. Тогава ден всичко тумендар те овел мири машкар туменде, за те овен винаги сар йекх. 26 Нерверинен тумен, ама ма керен безех. Ма мукен те накхел о диес тай туме още те овен нервериме. 27 Ма мукен тхан е Бенгеске. 28 Кавка, ковато чорел, те на чорел по-бут, а те дел всичко пестар, те икалел по маро, като керел бути пе вастенца, за те овел со те дел калкес, колеске требел помощ. 29 Нито йекх грозно дума те на икльол тумаре мостар. Хоратинен само шукар букя, колато ка ден сила околен тай ка помагинен е манушенге, колато шунен лен. 31 Махнинен тумендар и злоба, о холя, о нервес, о пищес тай о грозна думес тай саворе авер кханиле букя. 32 Ама овен лачше йекх авереса, тховен тумен околенге ко тхан тай овен готова те простинен вогиестар йекх авереске, сарто о Дел, вогиестар простингяс туменге, ашал далкхеске со кергяс о Христос.