1 Тимотей

7 Тай ма шун о хохавне приказкес, колато мелярен е Девлескоро алав, сар калкенде колато пхенен десаве пхуре ромня. А сикльов те овес верно е Девлеске. 12 Ма мук никхой те мислинел кай нищо на ачшол тутар ашал далкхеске кай синян терно. А ов лачшо примери е верноненге далкхеса со хоратинес, со керес тай сар икерес тут околенца, сар сикавес вяра тай любов тай далкхеса, кай синян шужо е Девлеске андо якха. 13 Жикай авав, де всичко тутар кана четинес англал околенде, кана дес околен куражи те керен со си лачшо тай кана сикавес лен. 15 Мислине упрал калке букиенде, мук он те овен постоянно те гогяте, за те дикхен саворе, кай то амалипе е Девлеса барьол.