Исаия

7 Кова си сар манде? Мукен лес те пхенел тай те сикавел кай давкха си верно. Иси ли декхой таро пуране диеса, още отсарто кергьом е манушен, ковато сар манде, ащи те пхенел со авел сиго тай со още ка ачшол? 8 Ма даран тай ма издран даратар. Нали пхенгьом давкха секоне йекхеске тумендар тай нали пхенгьом лес англал саворенде бут отдавна? Туме синьен мере свидетеля. Иси ли авер Дел освен манде? На-а, нанай авер скала която те пазинел тумен. Ме на жанав нито йекх. 9 Саворе колато керен идоля, ме якхенде си нищо. Тай о идоля колато бут дехен нанай сар те помагинен ленге. Калка идоля нищо на дикхен тай нищо на жанен, далкхеске нащи те овен никхаскере свидетеля. Аке соске о мануша колато керде лен, ка ачшон лажаке. 10 Кас боркха нанай годи, кай те керел девлес или идолиес, колестар нищо на ачшол? 11 Дикх! Саворе, коленца он керен бути, ка ачшон лажаке. Калка колато керен идоля си само мануша. Нека он саворе те киден пес тай те заачшон пе тханенде. Он ка издран даратар тай саворе ка ачшон лажаке. 12 О ковачи лел пе инструменкя пе вастенде. Такярел о страст упрал о ангара тай пе зорале вастенца чукинел лес, за те керел лес хари по хари. После бокхальовел тай кхиньол, на пиел пани тай изморинел пес. 22 Ка изтринав тере безеха, все едно учшарав лен баре облакиеса. Ирине тут паш манде тай ме ка кинав тут обратно.