Матей

3 Щастлива си калка, колато ахальовен, кай требе те роден е Девлес, соскето ка овен лен о благословиес, колато ка анел о небесно Царство. 16 Тумари-да светлина нека светинел англал о мануша, за те дикхен он о шукар букя, колато керен, тай те славинен тумаре Дадес, ковато си ко небес. 23 Ако ингалес то дарос ко олтари тай отхе дес тут годи, кай то пхрал си туке холяме, 24 мук то дарос отхе, англал о олтари, тай жа туке. Първо жа тай кер со требе, за те овел тут мири те пхралеса, а после ирине тут те дес то дарос. 28 Ама ме пхенав туменге, кай секой, ковато дикхел йекхе жувля тай мангел пес леске те совел ласа, ов вече пе сърцесте пхиргяс упрал пе ромняте. 44 Ама ме пхенав туменге: Дехен тумаре душманиен тай молинен тумен калкенге колато гонинен тумен, 45 за те сикавен, кай синьен сар тумаре Дадесте, ковато си ко небес, соскето ов дел о кхам хем е кханилен, хем е лачшен тай дел о бришим хем калкен, колато керен давкха со си лачшо лескере якхенде хем калкен, колато на керен лес.