Римляни
12 Пхралален, о Дел сикавгяс бари милост кариг туменде. Аке соске молинав тумен те ден тумаро телос тай тумаро животос е Девлес сар жертва, която си живди, шужи тай шукар е Девлеске андо якха, за те служинен леске, като използвинен тумари годи. 2 Ма мукен о светос те керел тумен сар песте, ... 9 Ма керен тумен, кай дехен околен, а сикавен любов вогиестар. Мразинен о кханилипе. Дикхен те керен лачше букя. 10 Дехен тумен, сар пхрала, колато дехен йекх аверес. Туме овен о първа, колато ка сикавен уважение кариг околенде. 11 Те овен букярне, те на овен мързелива. Мукен о свято духос те тхабльол сар яг тумаре сърценде. Служинен е Йеховаске сар робя. 12 Овен щастлива, като жанен, кай авен шукар букя. Ма мукен о кханиле букя, колато ачшон туменца, те перавен тумен. Ма спиринен те молинен тумен. 13 Ден со иси тумен е манушен, колато си свята тай колен нанай о букя, колато требен ленге. Путерен тумаро кхер околенге. 15 Ако декхой си радостно, туме-да овен радостна заедно леса, ако декхой ровел, туме-да ровен заедно леса. 18 Кер всичко со ту ащи те керес, за те овел тут мири околенца. 19 Пхралален, ма иринен о кханилипе, ама мукен о Дел те сикавел пи холи, соскето си пишиме: „О Йехова пхенел: „Ме ка иринав о кханилипе, ме ка дав секас со заслужинел“. 20 Ама „ако то душмани си бокхало, де лес те хал, ако пиел пес леске пани, де лес те пиел, соскето кана керес калка букя, ка билавес лескери холи, все едно тховес жарос упрал лескере шересте.“ 21 Ма мук о кханилипе те побединел тут, а винаги победине о кханилипе лачшипнаса.