Исаия

9 Саворе народовя тай саворе племена те киден пес йекхе тханесте! Кова ленгере девлендар ащи те пхенел салка букя? Ащи ли он те пхенен аменге со ка ачшол сиго? Те анен пе манушен колато дикхле пе якхенца со ачшило, за те сикавен кай он си права или калка мануша те шунен лен тай те пхенен: „Верно си!“ 10 О Йехова пхенел: „Туме синьен мере свидетеля, мо служители колес избирингьом, за те пенжарен ман тай те верувинен манде, за те ахальовен кай ме винаги синьом о също. Англал манде на сине авер Дел тай нанай те овел-да авер. 11 Ме синьом о Йехова тай никхой авер нащи те спасинел тумен. 12 Ме синьом Кавка ковато пхенгяс со ка ачшол, ковато спасингяс тумен тай ковато шуняргяс давкха, кана машкар туменде на сине нито йекх хохавно дел. Аке соске о Йехова пхенел: „Туме синьен мере свидетеля тай ме синьом о Дел.“ 13 „Ме винаги синьом о също. Тай никхой нащи те лел нищо ме вастестар. Кана ме керав нещо, кой ащи те спиринел ман?“