1 Петър

2 Чаравен е Девлескере бакрен, колато си динде тумаре вастенде, като пазинен о сбори, ма зорле, а вогиестар, сарто мангел о Дел, ма соскето дехен о парес, икалде хохаймнаса, а соскето манген те служинен околенге, 5 Туме-да, колато синьен по-терне, требе те шунен е по-пхурен. Тай саворе туме требе те сикавен смирение йекх кариг авересте, все едно синьен урявде леса, соскето о Дел ухкьел мамуй о барикане, а кариг о мануша, колато си смирена, сикавел лачшипе, ковато на заслужинас. 6 Аке соске овен смирена телал е Девлескере зорале вастесте, за те керел тумен баре ов, кана ка авел о време далкхеске, 7 тай мукен тумаре саворе холя упрал лесте, соскето лес дукхал туменге. 8 Овен жангале тай пазинен тумен! Тумаро душмани, о Бенг пхирел наупре-нателе сар бокхало лъвос тай родел кас те хал. 9 Ама туме заачшон мамуй лесте, зорале анди вяра, като жанен, кай о съща кханиле букя ачшон тумаре пхраленца ко цело светос. 10 О Дел, колестар авел о лачшипе, ковато на заслужинас, викингяс тумен те овен йекх е Исусеса тай те овел тумен вечно слава. След като мъчингьен тумен хари ов ка сикавел тумен жикай на синьен готова те служинен леске, ка керел тумен стабилна, ка керел тумен зорале.