Римляни

5 Ашал амаре вяраке, о Дел пхенгяс, кай аме синям мануша, колато керен давкха со си лачшо лескере якхенде. Акана требе те пазинас амаро мири е Девлеса, ковато иси амен ашал амаре Господариеске, о Исус Христос. 8 Ама о Дел сикавгяс пи любов, като мукляс о Христос те мерел аменге, жикай още синямас безехале. 10 Соскето още кана синямас е Девлескере душманя, о Исусес муло аменге, за те ачшовас е Девлескере амала. Акана, щом синям амала е Девлеса, ащи те овас сигурна, кай о Дел ка спасинел амен, соскето о Исусес си живдо. 11 Ама нанай само давкха. Амари радост си о Дел, колеса акана синям амала, соскето амаро Господари, о Исус Христос, муло аменге. 12 Йекхе манушестар о безех ало андо светос, тай лестар о мериба, тай о мериба ало упрал саворе манушенде, соскето саворе ачшиле безехале. 19 Ашал далкхеске, кай йекх мануш на шунгяс е Девлес, бут мануша ачшиле безехале. А ашал далкхеске кай йекх мануш шунгяс лес, бут ка ачшовен лачше е Девлеске андо якха.