Псалм

42 Сар йекх кошута която бут мангел те пиел пани, ме-да Девла, бут мангав те служинав туке. 2 Кана ка авав анлал о Дел? Девла, ту ковато синян живдо, бут жарав те авел кавка диес. 3 Цело диес тай цело рат ровав тай нащи те хав. Цело диес о мануша асан манге тай пхенен: „Кате си то Дел?“ 4 Калке букиенге дав ман годи тай пхенав туке мо воги, соскето сине време кана пхиравас буте манушенца тай водинавас лен кариг е Девлескоро кхер. Ко дром сине амен бари радост тай гилябасас гиля, коленца те благодаринас е Девлеске, сар бут мануша колато празнувинен йекх празники.