9 Уроки

Ко си е Девлескере амала?

О Исус Христос си е Йеховаскоро чшаво, тай лескоро ем-паше тай ем-дехано амал. Англал те живинел сар мануш ки пхув, о Исус живингяс андо дел сар зорало ангели. (Йоан 17:5) Ов ало ки пхув те сикавел е манушен о чачипе е Девлеске. (Йоан 18:37) Диняс по манушикано животи околенге колато шунен лес, та те ухтел лен таро безех тай таро мериба. (Римляни 6:23) Акана о Исус си тхагар анде Девлескоро Тхагарипе — правителство ковато си упре андо дел, тай ка керел и пхув девлети. (Откровение 19:16)

О ангеля–да си Девлескере амала. Он на уле биянде ки пхув сар о мануша. Англал те керел и пхув, о Йехова кергяс лен те бешен андо дел. (Йов 38:4–7) Иси милионя ангеля. (Даниил 7:10) Калка Девлескере амала манген о мануша те джанен о чачипе е Девлеске. (Откровение 14:6, 7)

Е Девлес иси лес амала ки пхув–да. Он си лескере свидетеля. Кана екх свидетели джал андо съдос, требе те пхенел со джанел. Е Йеховаскере свидетеля пхенен е аверенге со джанен е Йеховаске, тай адалкхеске со мангел те керел. (Исаия 43:10) Сар о ангеля, о Свидетеля манген те аканден тут те ахальовес о чачипе е Йеховаске. Он манген ту–да те овес Девлескоро амал.