Баряр ти вяра, кай о Йехова ащи те спасинел тут

Четине Числа 13:25 — 14:4 кате дикхьол кай о израилтяня на мукле пес е Йеховаске андо васта.

Ахальов со ачшило. Соске о израилтяня сине сигурна кай о Йехова ащи те спасинел лен кана иклиле таро Египет? (Пс. 78:12-16, 43-53) Соске спиринде те мукен пес е Йеховаске андо васта? (Втор. 1:26-28) Сар о Исус Навиев тай о Халев сикавде кай мукен пес е Йеховаске андо васта? (Чис. 14:6-9)

Роде по-хоресте. Со ащине те керен о израилтяня за те барярен пи вяра андо Йехова? (Пс. 9:10; 22:4; 78:11) Соске требе те уважинас е Йеховас за те ащи те мукас амен леске андо васта? (Чис. 14:11)

Дикх со ащи те сикльовес. Пуч тут:

• Кана ащи те овел манге трудно те мукав ман е Йеховаске андо васта?

• Со ащи те керав за те овел ман по-бари вяра андо Йехова акана тай ко бъдеще?

• Состе ка ащи те овав сигурно кана ка авел о баро бедствие? (Лука 21:25-28)