5 Уроки

Е Девлескере амала ка бешен андо девлети

Андо девлети о животи нанай те овел сар си акана. О Дел никхана на мангляс ки пхув те овел пхарипе, дукха тай мъкес. Ка авел вакъти кана о Дел ка керел и пхув девлети. Сар ка овел о девлети? Те дикхас со пхенел и Библия:

Лачше мануша. Андо девлети ка бешен само е Девлескере амала. Ка керен лачшипе екх–авереске. Ка живинен пе Девлескере шуже дрома. (Притчи 2:21)

Бут хабе. Андо девлети нанай те овел бокх. И Библия пхенел: „И пхув ка овел пхерди гивеса [хабеса].“ (Псалм 72:16)

Шукар кхера тай лачши бути. Андo девлети секонес ка овел кхер. Саворе ка керен бути ковато ка керел лен бахтале. (Исаия 65:21–23)

Бимарибе андо дуйнас. О мануша нанай те керен марибе, адалкхеске ни екх нанай те мерел марибнастар. Е Девлескоро слово пхенел: „О Дел ка ачшавел секо екх марибе.“ (Псалм 46:8, 9)

Састипе. И Библия халя совел: „Ни екх ковато бешел [андо девлети] нанай те пхенел: ‘Насвало синьом.’“ (Исаия 33:24) Ачука–да ни екх нанай те овел сакати, коро, кашуко или лалоро. (Исаия 35:5, 6)

Агор е дукхенге, пхарипеске, тай мерибаске. Е Девлескоро слово пхенел: „Нанай те овел мериба, ни пхарипе, ни ройба, ни дукха. Е палуне букя накхле.“ (Откровение 21:4)

Нанай те овел билачше мануша. О Йехова халяс совел: „Е билачше тари пхув ка овен мударде, а е бичачуне ка овен чшивде латар.“ (Притчи 2:22)

Саворе мануша ка дехен пес. Нанай те овел бичачипе, дар, якхакоро бокхалипе тай омраза. О мануша ка овен екхесте тай ка живинен пе Девлескере шуже дрома. (Исаия 26:9)