8 Уроки

Ко си е Девлескере душманя?

Е Девлескоро ем-баро душмани си о Бенг. Ов си о солухи ковато ухтило мамуй о Дел. О Сатана на ачшило те марел пес е Девлеса тай те керел баро пхарипе е манушенге. О Сатана си бут кханило. Ов си хохавно тай мударно. (Йоан 8:44)

Авера солухя кидине пес е Сатанеса марибнасте мамуй о Дел. И Библия вакерел ленге демоня. Сар о Сатана, он си душманя е манушенге, тай дехен те керен ленге кханилипе. (Mатей 9:32, 33; 12:22) Ачшол панда хари вакъти те керен проблемя е манушенге, соске о Йехова ка мударел лен са вакътеске. (Откровение 12:12)

Требе те на керес давкха со мангел о Сатана, та те овес амал е Девлеса. О Сатана тай о демоня на дехен е Йеховас. Он си лескере душманя, тай манген те керен тут–да душмани е Девлеса. Требе те дикхес кас те шунес — е Сатанес или е Йеховас. Те мангеса те живинес са, требе те шунес е Девлес. О Сатана керел бут бенгипе та те хохавел е манушен. Побут таро мануша, хохавгьон лестар. (Откровение 12:9)