3 част

Саво уло о животи андо девлети?

О Йехова кергяс е йектоне джувля — е Ева, тай диняс ла ромняке е Адамеске. (Битие 2:21, 22)

О Йехова кергяс лен съвършено гогяса тай снагаса.

Он бешенас андо девлети — екх бут шукар тхан: лениенца, емишенгере каштенца, тай домазлъкенца — ковато пхенел пес Едем.

О Йехова керелас пхеряс ленца тай сикавелас лен. Те шуненаса лес ка бешенас андо девлети ки пхув са.

О Йехова диняс бут шукар букя е Адамес тай е Ева. Битие 1:28

Екх таро ангеля ухтило мамуй о Дел. Кавка кханило ангели си о Сатана о Бенг.

О Йехова сикавгяс екх каш е Адамеске тай е Еваке, тай пхенгяс ленге, кай те хана лестар ка мерен.

О Сатана на мангелас о Адам тай и Ева те шунен е Девлес. Адалкхеске ов кергяс те дикхьол кай екх сап керел пхеряс, тай ачука пхенгяс е Еваке: ‘Те хаса таро каш нанай те мерес ама ка ачшос сар о Дел.’ Кавка уло хохайба. (Битие 3:1–5)

О Дел пхенгяс те на хан екхе каштестар. Битие 2:16, 17