Винаги те пхирас е Йеховаса

1. Амаро дад о Йехова,

леса нека винаги пхирас.

Бут лачшо кариг аменде,

ако са вогиеса лес шунас.

Любещо дикхел аменге,

амаро вас икерел.

Леске предано служинас,

ов нанай амен те мукел.

2. Бут нервериме о Бенг си,

кай о крайос сиго ка авел.

Ов ухкьел мамуй аменде,

бут мангел амен те даравел.

А, о Дел амен пазинел,

нека леса ачшовас.

Вечно те служинас леске,

верна винаги те овас.

3. Дел по духос, дел по Слово —

зорале керел амен о Дел.

Чрез о сбори помагинел,

и молитва винаги шунел.

Те пхирас е Йеховаса,

ов о дром ка сикавел.

Верно леске те служинас

тай аменца ов ка овел.