Саво животос мангел о Дел аменге?

И Библия пхенел, кай е маушенгоро животос си кратко тай си пхердо холенца. (Йов 14:1) Ама савка животос ли мангелас о Дел е манушенге? Со наистина мангел ов аменге? Ка керел ли лес декхана? Дикх саве шукар отговоря дел амен и Библия.

1. Саво животос мангел о Дел аменге?

О Йехова мангел те овел амен о най-шукар животос. Кана кергяс е първоне манушен, е Адамиес тай е Ева, ов тховгяс лен йекхе шукаре тханесте, андо рай ки Едемско градина. После „о Дел благословингяс лен тай пхенгяс ленге: „Те овен тумен бут чшаве тай те ачшон бут, те пхерен и пхув тай ой те ачшол тумари.“ (Битие 1:28) О Йехова мангелас те овен лен чшаве, те керен и пхув рай тай те дикхен е животнонен. Ов на мангелас о мануша те насвальовен, а те овен састе тай те живинен вечно.

Калка букя на ачшилеa, ама о Дел още мангел те овел амен савка животос. (Исаия 46:10, 11) Ов мангел е верноне манушен те овел о най-шукар животос завинаги. (Четине Откровение 21:3, 4.)

2. Сар ащи те овел амен щастливо животос авдиес?

О Йехова кергяс амен те овел амен нужда лестар, демек те мангас те пенжарас лес тай те служинас леске. (Четине Матей 5:3-6.) Ов мангел те овас близка амала леса, „те пхирас лескере дроменде, те дехас лес“ тай те служинас леске „целоне вогиестар“. (Второзаконие 10:12; Псалм 25:14) Кана керас калка букя, ащи те овас щастлива, въпреки кай иси амен проблемя. Кана служинас е Йеховаске, ахальовас, кай иси соске те живинас.

3. О Йехова мангел шукар животос е манушенге

Дикхен о КЛИПИ тай хоратинен калке въпросиеске:

КЛИПИ: Соске о Дел кергяс и пхув? (част таро клипи) (1:41)

• Соске о Дел кергяс амари шукар пхув?

Четинен Еклисиаст 3:11 тай хоратинен калке въпросиеске:

• Со сикльовес е Йеховаске калке стихиестар?

4. Е Йеховаскери воля аменге на променисайли

Четинен Псалм 37:11, 29 тай Исаия 55:11 тай хоратинен калке въпросиеске:

• Катар жанас, кай е Йеховаскери воля аменге на променисайли?

5. Кана служинас е Йеховаске, ахальовас, кай иси соске те живинас

КЛИПИ: Ахалильом соске живинас (5:03)

• Сар променисайло о животос е пхенякоро, кана ахалили соске живинас?

Четинен Еклисиаст 12:13 тай хоратинен калке въпросиеске:

• Щом о Йехова кергяс зомкха бут букя аменге, сар аме ащи те сикавас, кай синям благодарна леске?

СО СИКЛИЛЯМ

О Йехова мангел те овел амен о най-шукар животос завинаги атхе ки пхув. Кана служинас леске вогиестар, ахальовас, кай иси соске те живинас.

О най-важна букя таро уроки

• Саво животос мангелас о Йехова те овел е Адамиес тай е Ева?

• Катар жанас, кай е Девлескери воля е манушенге на променисайли?

• Со те керес, за те овел тут щастливо животос?

АХАЛЬОВ ПО-БУТ

Дикх саве букя сикавен, кай и Едемско градина сине истинско.

Едемската градина — мит или факт? („Стражева кула“ 1 януари 2011)

Ахальов соске ащи те овас сигурна, кай и Пхув ка ачшол завинаги.

Ще бъде ли унищожена Земята? (статия на jw.org)

Дикх сар и Библия сикавел аменге, кай иси соске те живинас.

Какъв е смисълът на живота? (статия на jw.org)

Дикх сар йекх мануш, ковато мислинелас, кай иси лес всичко, ахалило со на сине лес.

Сега животът ми има смисъл (3:55)