57 УРОКИ
Со те керес, за те простинел туке о Йехова, ако кергян баро безех?
Въпреки кай бут дехес е Йеховас тай дес всичко тутар те на дукхавес лес, подекхана ка грешинес. Ама десаве безеха си по-баре. (1 Коринтяни 6:9, 10) Ако кергян баро безех, ма бистер, кай о Йехова на спирингяс те дехел тут тай мангел те простинел туке тай те помагинел туке.
1. Со требе те керас, за те простинел аменге о Йехова?
Е манушенге, колато дехен е Йеховас, си бут пхаро, кана ахальовен кизом бут дукхавде лес, кана керде безех. Ама ленге анел утеха е Йеховаскоро обещание: „Ако тумаре безеха си лоле сар рат, ка ачшон парне сар ив.“ (Исаия 1:18) Ако наистина синям пишмани, о Йехова ка простинел аменге тай ка бистерел амаро безех. Сар ка сикавас, кай синям пишмани? Ка съжалинас са вогиестар, кай кергям безех, ка спиринас те керас лес тай ка молинас е Йеховас те простинел аменге. Ка дас всичко амендар те отчшияс о кханиле мислес тай о кханиле навикя, ашал коленге кергям безех, тай ка дикхас те живинас, сарто о Йехова мангел, за те овас шуже лескере якхенде. (Четине Исаия 55:6, 7.)
2. Сар о Йехова използвинел е старейшиниен, за те помагинел аменге, кана керас безех?
Ако керас баро безех, о Йехова пхенел аменге те хоратинас е старейшиниенца таро сбори. (Четине Яков 5:14, 15.) Калка пхрала дехен е Йеховас тай лескере бакрорен. Он жанен сар те помагинен аменге, за те овас пак амала е Йеховаса. (Галатяни 6:1)
Сар ка помагинен аменге о старейшиня, ако кергям баро безех? Дуй или трин старейшиня ка сикавен аменге тари Библия соске о букя, колато кергям, си кханиле. Он ка ден амен съвекя тай ка пхенен аменге саве букя ка помагинен аменге те на керас пак о също безех. Ако декхой керел баро безех, ов ащи те традел околен-да таро сбори те керен безех. Аке соске, ако о мануш нанай пишмани, о старейшиня ащи те решинен, кай ка овел икалдо таро сбори.
РОДЕ ПО-ХОРЕСТЕ
Ка овес още по-благодарно е Йеховаске, като ахальовес по-лачшес сар помагинел аменге ов, ако керас баро безех.
3. Ако пхенас, кай кергям безех, ка овел аменге по-лесно пак те ачшовас амала е Йеховаса
О безеха, колато керас, дукхавен е Йеховас, аке соске требе те пхенас леске со кергям. Четинен Псалм 32:1-5 тай хоратинен калке въпросиеске:
Соске си по-шукар те пхенас е Йеховаске со кергям, а ма те гаравас?
Требе те пхенас, кай кергям безех, ма само е Йеховаске, а е старейшиниенге-да, тай требе те мангас помощ лендар. Тогава ка локьол аменге. Дикхен о КЛИПИ тай хоратинен калке въпросиеске:
Сар о старейшиня помагинде е пхралеске таро клипи те иринел пес паш о Йехова?
Требе те пхенас всичко е старейшиниенге без те лажас. На требе те гаравас нищо лендар тай на требе те хохавас лен, соскето он манген те помагинен аменге. Четинен Яков 5:16 тай хоратинен калке въпросиеске:
Соске ка овел по-лесно е старейшиниенге те помагинен аменге, ако на гаравас нищо лендар?
Ако кергян безех, пхен е Йеховаске, ма гарав нищо таро старейшиня тай приемине помощ таро Йехова
4. О Йехова сикавелмилост кариг о мануша, колато керде безех
Ако декхой кергяс баро безех тай на мангел те живинел, сарто о Йехова мангел, ка овел икалдо таро сбори тай нанай те овас амала леса. Четинен 1 Коринтяни 5:6, 11 тай хоратинен калке въпросиеске:
Само хари маяс керел те барьол о цело хумер. Тогава со ащи те ачшол саворенца таро сбори, акоси амала манушеса, ковато керел безех, ама нанай пишмани?
За те овен сар о Йехова тай те сикавен милост кариг калкенде, колато керде безех, о старейшиня роден калкен, колато сине икалде таро сбори, за те помагинен ленге. Бут мануша ирисайле ко сбори, соскето въпреки кай сине лен бари дукх, кана сине икалде таро сбори, давкха помагингяс ленге те ахальовен, кай керде безех. (Псалм 141:5)
• Сар о букя, колато керел о Йехова, за е манушенге, колато керде безех, сикавен, кай си милостиво, кай дехел амен тай кай жанел со си о най-лачшо аменге?
5. О Йехова простинел аменге, кана дикхел, кай синям пишмани
О Исусес пхенгяс йекх примери, за те помагинел аменге те ахальовас сар чувствинел пес о Йехова, кана йекх мануш си пишмани, кай кергяс безех. Четинен Лука 15:1-7 тай хоратинен калке въпросиеске:
Со сикльовес е Йеховаске калке примериестар?
Четинен Езекиил 33:11 тай хоратинен калке въпросиеске:
Со сикавел, кай йекх мануш наистина си пишмани?
О Йехова си сар лачшо пастири, ковато дехел пе бакрен тай дикхел ленге
ДЕСАВЕ МАНУША ПХЕНЕН: „Дарав, кай ако пхенав е старейшиниенге, кай кергьом безех, ка овав икалдо таро сбори.“
Со ка пхенес калке манушеске?
СО СИКЛИЛЯМ
Ако керас баро безех, ама наистина синям пишмани тай на мангас вече те керас кханиле букя, о Йехова ка простинел аменге.
О най-важна букя таро уроки
Соске си амаре лачшипнаске те пхенас е Йеховаске, ако керас безех?
Со требе те керас, за те простинел аменге о Йехова?
Ако кергям баро безех, соске требе те мангас помощ таро старейшиня?
АХАЛЬОВ ПО-БУТ
Дикх сар йекх мануш ахалило кизом си бари е Йеховаскери милост, сарто пишинел андо Исаия 1:18.
Сар о старейшиня дикхен те помагинен калкенге, колато керде баро безех?
Как старейшините проявяват любов и милост към съгрешилите? („Стражева кула“ август 2024)
Дикх сави любов тай милост сикавас кариг калкенде, колато керде безех тай нанай пишмани.
Андо разкази „Трябва да се върна при Йехова“ четине со традингяс йекхе манушес те иринел пес анди истина.
Библията променя живота на хората („Стражева кула“ 1 април 2012)