Тхов тут е манушенге ко тхан

Со кергяс о Исусес

КЛИПИ: О Исусес жалинел е манушен

1. Дикх о КЛИПИ или четине Марко 6:30-34. После мислине калке въпросиенге:

1. а) Соске о Исусес тай о апостоля мангенас те жан декхате, кате ка овенас коркоре?

2. б) Соске о Исусес започнингяс те сикавел е народос?

Со сикльовас таро Исусес?

2. Ако тховас амен е манушенге ко тхан, нанай те мислинас само сар те проповединас ленге, а ка мислинас също сар те помагинас ленге.

Ов сар о Исусес

3. Шун внимателно. Мук е манушес те пхенел по воги. Кана пхенел туке сар чувствинел пес, саве букиенге хал холи или саве букиенца нанай съгласно, шун лес без те чшинавес лес тай ирине леске внимание. Като шунес е манушес внимателно, сикавес, кай мангес те жанес со мислинел.

4. Мислине е манушеске. Като мислинес со хоратингьен туменге е манушеса, пуч тут:

1. а) Соске калке манушеске ка овел шукар те жанел и истина?

2. б) Сар о библейско изучаване ка керел лескоро животос по-шукар още акана тай андо бъдеще-да?

5. Хоратине букиенге, колато ка помагинен е манушеске. Ако ащи, веднага сикав леске сар таро изучаване ка ахальовел о букя, коленге пучел пес, тай сар лескоро животос ащи те ачшол по-шукар, ако изучинел и Библия.