ПРИЛОЖЕНИЕ 3
Сар те керес библейска изучавания е лилеса „Шукар животос завинаги!“
Амаре пхрала бут молинде пес тай бут внимателно избиринде саве букя те овен андо лил „Шукар животос завинаги!“. Дикх саве букя ащи те помагинен туке те използвинес най-шукар кавка лил, кана изучинес е манушенца.
Англал о изучаване
1. Подготвине тут лачшес. Кана подготвинес тут, мислине со требел е манушеске, саво си лескоро животос тай саве букиенде верувинел. Мислине саве букя ащи те овел леске трудно те ахальовел или те керел. Мислине също сар о букя тари част „Ахальов по-бут“ ащи те помагинен е манушеске тай дикх дали ащи те използвинес калка букя, кана изучинен.
Кана изучинен
2. Пхен молитва ко начало тай ко крайос освен, ако о мануш пхенел, кай на мангел.
3. Дикх те на хоратинес бут. Хоратине е букиенге таро лил тай мук о мануш те пхенел со мислинел.
4. Кана започнинен неви част таро лил, четине сави си и тема, колаке ка хоратинел пес анди част, тай сикав кола си десаве таро урокя лате.
5. Кана свършинен йекх част таро лил, използвине „О най-важна букя тари част“, за те помагинес е манушеске те запомнинел о букя, колато сиклило.
6. Секоне урокиесте:
Четинен и първо страница.
Четинен саворе стиховя, коленде пишинел „четине“.
Ако дикхес, кай требе, четинен авер-да стиховя, колато си андо уроки.
Дикхен саворе клиповя, коленде пишинел „дикхен“, (ако си чшибате, която о мануш ахальовел).
Пуч е манушес секо йекх таро въпрося.
Дикхен о картинкес анди част „Роде по-хоресте“ тай пуч е манушес со ахальовел лендар.
Използвине о блокчес „Со те керес“, за те помагинес е манушеске те дикхел кизом барило лескоро амалипе е Йеховаса. Ащи те пхенес леске, кай ка овел шукар те керел о букя таро блокчес тай те мислинел со авер ащи те керел.
Пуч е манушес дали харешингяс леске десави статия или клипи тари част „Ахальов по-бут“, кана подготвингяс пес англал о изучаване.
Дикх секо дром те изучинен йекх уроки.
Палал о изучаване
7. Продължине те мислинес е манушеске, колеса изучинес. Молине е Йеховас те благословинел о букя, колато ов керел, за те барярел по амалипе леса. Също молине е Йеховас те дел тут мъдрост, за те жанес сар те помагинес е манушеске, колеса изучинес.