ХРИСТИЯНСКО ЖИВОТОС
Сикав дехиба андо семейство
О дехиба си сар лепилос, ковато икерел саворен таро семейство паше йекх жи авересте. Би дехимнаскоро ка овел ленге пхаро те ачшовен единна тай те овен йекх, бискай керен различна букя заедно. Сар о рома, о ромня тай о родителя ащи те сикавен дехиба андо семейство?
О ром, ковато дехел пе ромня, мислинел далкхеске саве си лакере нуждес, лакоро мнение тай лакере чувства. (Еф 5:28, 29) Ов дикхел те овен лен о материална букя, колато требен е семействоске, тай помагинел саворенге таро семейство те овен по-паше жи ко Йехова, като керел редовно о семейно поклонение. (1Ти 5:8) И ромни, която дехел пе ромес, шунел лес тай „бут уважинел“ лес. (Еф 5:22, 33; 1Пе 3:1-6) О дуй-да требе те овен готова те простинен вогиестар йекх авереске. (Еф 4:32) О родителя, колато дехен пе чшавен, иринен внимание секоне йекхеске пе чшавендар тай сикавен лен те дехен е Йеховас. (Вт 6:6, 7; Еф 6:4) Он манген те жанен саве трудноскя иси ленгере чшавен ки училища тай со керен, кана окола чшаве тари училища траден лен те керен варесо кханило. Кана андо семейство иси дехиба, саворенге ка овел лачшес тай ка чувствинен пес сигурна.
ДИКХ О ВИДЕОКЛИПИ „НЕ ПРЕСТАВАЙТЕ ДА ПРОЯВЯВАТЕ ЛЮБОВ В СЕМЕЙСТВОТО“ ТАЙ ОТГОВОРИНЕ ДАЛКХЕ ВЪПРОСИЕНДЕ:
Сар йекх ром, ковато дехел пе ромня, дикхел лаке?
Сар йекх ромни, която дехел пе ромес, сикавел, кай бут уважинел лес?
Сар о родителя, колато дехен пе чшавен, постоянно сикавен лен е Девлескере Словоске?