Ма сигяр те хоратинес тари Библия

Со кергяс о Филип

КЛИПИ: О Филип проповединел е евнухиеске тари Етиопия

1. Дикх о КЛИПИ или четине Деяния 8:30, 31. После мислине калке въпросиенге:

1. а) Сар о Филип започнингяс те хоратинел е манушеса?

2. б) Соске давкха со пхенгяс о Филип ко начало, ащине те помагинел леске те сикавел е манушес неве букя?

Со сикльовас таро Филип?

2. Ако керас мохабети е манушеса, англал те хоратинас леса тари Библия, о мануш ащи те овел по-спокойно тай те мангел те шунел амен.

Ов сар о Филип

3. Ов путерде якхенгоро. Ащи те ахальовес бут йекхе манушеске, като дикхес сар заачшило, со керел пе вастенца или со сикавел лескоро муй. Дикхьол ли, кай о мануш мангел те хоратинел туса? Ащи те започнинес те хоратинес е Библияке просто като пучес: „Жанес ли, кай е Девлеске нанай са йекх, кай мъчинес тут?“ Ма хоратине зорле е манушеса, ако ов на мангел те хоратинел.

4. Ов търпеливо. Ма мислине, кай требе веднага те хоратинес тари Библия. Хоратине чак кана дикхес, кай о мануш си готово те шунел тут. Тогава о разговори ка овел приятно. Подекхана даже ащи те овел най-шукар те хоратинес е манушеса тари Библия, кана ка дикхен тумен авер дром.

5. Ов готово те променинес и тема, колаке хоратинес. О мануш ащи те започнинел те хоратинел букиенге, коленге ту на мислингян те хоратинес. Тогава ов готово те сикавес букя, колато о мануш мангел те жанел, даже ако он си различна таро букя, коленге ту манглян те хоратинес.