Ов смирено

Со пхенел и Библия: „Овен смирена тай мислинен, кай окола си по-важна тумендар.“ (Флп. 2:3)

Со кергяс о Павлес

О апостол Павел, ковато си пханло белезникиенца йекхе пазачиеса, хоратинел лачшипнаса е цариеса Агрипа, е управителиеса Фест тай е цариескере пхеняса Верникия.

КЛИПИ: О Павлес проповединел е цариеске Агрипа

1. Дикх о КЛИПИ или четине Деяния 26:2, 3. После мислине калке въпросиенге:

а) Сар о Павлес сикавгяс смирение, кана хоратингяс е цариеса Агрипа?
б) Со кергяс о Павлес, за те иринел е манушенгоро внимание кариг о Йехова тай лескоро Слово, а ма кариг песте? (Дикх Деяния 26:22.)

Со сикльовас таро Павлес?

2. О букя, колато мангас те пхенас е манушенге ка харешинен ленге по-бут, кана хоратинас смирено тай сикавас уважение.

Ов сар о Павлес

3. Ма сикав тут англал о мануша. Дикх те на икльол, кай ту жанес всичко, а о мануш на жанел нищо. Сикав уважение, кана хоратинес е манушенца.

4. Требе те дикхьол ясно, кай всичко со пхенес си тари Библия. Е Девлескоро Слово ащи те променинел е манушенгере чувства тай ленгоро мислене. Кана сикавас е манушенге со пишинел анде Девлескоро Слово, помагинас ленге те верувинен лесте, а ма далкхесте со пхенас ленге аме.

5. Ачшов спокойно. Аме на мангас те споринас, за те сикавас, кай синям права. Сикав смирение, като ачшовес спокойно тай като ахальовес, кана требе те жас туке. (Пр. 17:14; Тит 3:2) Ако хоратинес спокойно, ащи авер дром о мануш те мангел те хоратинел аменца.

ДИКХ СЪЩО

Рим. 12:16-18; 1 Кор. 8:1; 2 Кор. 3:5