ЗАПОЧНИНЕ РАЗГОВОРИ
5 УРОКИ
Сикав уважение
Со пхенел и Библия: „Нека тумаре думес винаги те овен шукар сар о хабе, колесте иси лон.“ (Кол. 4:6)
Со кергяс о Павлес
1. Дикх о КЛИПИ или четине Деяния 17:22, 23. После мислине калке въпросиенге:
а) Сар чувствингяс пес о Павлес, кана дикхляс саве хохавне букя керенас о кхангеря анди Атина? (Дикх Деяния 17:16.)
б) Вместо те пхенел е манушенге тари Атина, кай грешинен, сар о Павлес използвингяс о букя, коленде верувинен, за те пхенел ленге и лачши новина, без те дукхавел лен?
Со сикльовас таро Павлес?
2. О мануша ащи те манген те шунен амен, ако внимавинас со пхенас, сар пхенас лес тай кана пхенас лес.
Ов сар о Павлес
3. Мислине шукар со ка пхенес. Например кана хоратинес манушеса, ковато нанай християни, требе те внимавинес сар ка започнинес те хоратинес е Библияке или е Исусеске.
4. Ма сигяр те пхенес е манушеске, кай нанай право. Мук лес те пхенел со мислинел. Ако пхенел букя, колато според и Библия нанай верна, ма спорине даже ако бут мангел пес туке. (Як. 1:19) Като шунес лес, ащи те ахальовес состе верувинел тай соске верувинел далкхесте. (Пр. 20:5)
5. Ако ащи, сикав, кай синян съгласно е манушеса тай хвалине лес. О мануш ащи вогиестар те мислинел, кай о букя, коленде верувинел, си истина. Първо хоратине букиенге, коленде о дуй-да верувинен, тай после хари по хари помагине леске те ахальовел со сикавел и Библия.