Анди Библия най-бут хоратинел пес е Девлескере Царствоске. О Йехова ка използвинел по Царство, за те керел и пхув рай. Со си е Девлескоро Царство? Катар жанас, кай управлинел акана? Со кергяс жи акана? Тай со ка керел андо бъдеще? Кавка тай о следващо уроки ка отговоринен калке въпросиенге.

1. Со си е Девлескоро Царство тай кова си лескоро Цари?

О Царство си е Йеховаскоро правителство. Лескоро Цари си о Исусес тай управлинел таро небес. (Матей 4:17; Йоан 18:36) И Библия пхенел, кай о Исусес „завинаги ка овел цари“. (Лука 1:32, 33) Щом си Цари анде Девлескоро Царство, о Исусес ка управлинел саворе манушен ки пхув.

2. Кой управлинел заедно е Исусеса?

О Исусес на управлинел коркоро. Мануша „секоне племестар, чшибатар ... тай народостар ... ка управлинен сар царя упрал и пхув“. (Откровение 5:9, 10) Кизом мануша ка управлинен е Исусеса? Отсарто о Исусес сине ки пхув, милионя мануша ачшиле лескере ученикя. Ама само 144 000 лендар жан ко небес, за те управлинен е Исусеса. (Четине Откровение 14:1-4.) Окола саворе християня ка живинен ки пхув тай о Царство ка управлинел лен. (Псалм 37:29)

3. Соске е Девлескоро Царство си по-лачшо таро манушикане правителства?

Даже кана о манушикане правителства дикхен те керен лачше букя, лен нанай и сила те керен всичко со манген. Тай кана ленгере тханесте авен авер мануша, он ащи те дикхен само песке тай те на манген те помагинен е народоске. Ама никхой нанай те лел е Исусескоро тхан. Е Девлескоро Царство „нисар нанай те овел унищожиме“. (Даниил 2:44) О Исусес ка управлинел и цело пхув. Ов нанай те керел разлика машкар о мануша. Ов си лачше вогиескоро, справедливо, сикавел любов кариг околенде тай ка сикавел е манушен-да те овен сар лесте — те овен лачше, справедлива тай те сикавен любов йекх кариг авересте. (Четине Исаия 11:9.)

4. Е Девлескоро Царство ка управлинел упрал и цело пхув

На сине тай нанай те овел по-зорало управники таро Исусес. Четинен Матей 28:18 тай хоратинен калке въпросиеске:

• Соске ащи те пхенас, кай е Исусескери власт си по-бари тари власт, която иси е манушен?

О манушикане правителства постоянно сменинен пес тай секо йекх лендар управлинел само йекх част тари пхув. А е Девлескоро Царство? Четинен Даниил 7:14 тай хоратинен калке въпросиенге:

• Соске си шукар, кай е Девлескоро Царство „нанай те овел унищожиме“?

• Соске си шукар, кай ка управлинел упрал и цело пхув?

5. О манушикане правителства нащи те решинен амаре проблемя

Соске требе е Девлескоро Царство те управлинел вместо о манушикане правителства? Дикхен о КЛИПИ тай хоратинен калке въпросиеске:

КЛИПИ: Со си е Девлескоро Царство? (част таро клипи) (1:41)

• Со ангяс аменге о манушикано управление?

Четинен Еклисиаст 8:9 тай хоратинен калке въпросиенге:

• Мислинес ли, кай е Девлескоро Царство требе те управлинел вместо о манушикане правителства? Соске?

6. Калка, колато управлинен анде Девлескоро Царство, ахальовен амен

Амаро Цари о Исусес „ахальовел амаре слабоскя“, соскето сине мануш сар аменде. (Евреи 4:15) О Йехова избирингяс „секоне племестар, чшибатар … тай народостар“ 144 000 верна мруша тай жувля, колато ка управлинен е Исусеса. (Откровение 5:9)

• Мислинес ли, кай си шукар, кай о Исусес тай окола, колато ка управлинен леса, жанен со си те овес мануш тай саве проблемя иси е манушен? Соске?

7. Анде Девлескоро Царство иси о най-шукар законя

Андо държавес иси законя, колато те пазинен е манушен тай те помагинен ленге. Анде Девлескоро Царство също иси законя, колато о мануша требе те спазвинен. Четинен 1 Коринтяни 6:9-11 тай хоратинен калке въпросиенге:

• Саво мислинес, кай ка овел о светос, кана саворе мануша ка спазвинен е Девлескере законяa?

• Мислинес ли, кай е Йеховас иси о право те мангел лескере мануша, те спазвинен е Девлескере законя? Соске?

• Со сикавел, кай о мануша, колато акана на спазвинен калка законя, ащи те променинен пес? (Дикх о 11 стихи.)

СО СИКЛИЛЯМ

Е Девлескоро Царство си истинско правителство андо небес, ковато ка управлинел упрал и цело пхув.

О най-важна букя таро уроки

• Кола си о царя анде Девлескоро Царство?

• Соске е Девлескоро Царство си по-лачшо таро манушикане правителства?

• Со мангел о Йехова те керен о мануша, колен управлинел о Царство?

АХАЛЬОВ ПО-БУТ

Дикх кате пхенгяс о Исусес, кай си е Девлескоро Царство.

В човешките сърца ли е Божието Царство? (статия на jw.org)

Соске е Йеховаскере Свидетеленге си по-важно те овен верна е Девлескере Царствоске, а ма е манушенге, колато управлинен?

Предани на Божието Царство 1:43

Дикх со пхенел и Библия е манушенге, колен избирингяс о Йехова те управлинен е Исусеса.

Кой отива на небето? (статия на jw.org)

Со помагингяс йекхе жувляке, която сине андо пханлибе, те овел сигурно, кай само о Дел ащи те керел о светос справедливо?

Научих как ще изчезне несправедливостта („Пробудете се!“ ноември 2011)

Е Девлескоро Царство управлинел ко небес таро 1914 бреш. Тогава започнинде о последна диеса таро манушикано управление. Катар жанас, кай о последна диеса започнинде тогава? Ка дикхас саве пророчества иси анди Библия калке диесенге, со ачшол андо светос тай саве си о мануша таро 1914 бреш.

1. Со сикавен о пророчества тари Библия?

Таро лил, ковато пишингяс о пророк Даниил, ахальовас, кай е Девлескоро Царство ка започнинел те управлинел, кана свършинен о „ефта времена“. (Даниил 4:16, 17) Бут бреша по-късно о Исусес пхенгяс, кай калка „ефта времена“ си „о времена динде е народовиенге, колато на служинен е Девлеске“ тай кай он още на свършиндесас. (Лука 21:24) Сарто ка дикхас, он свършинде презал о 1914 бреш.

2. Со ачшол андо светос тай саве си о мануша таро 1914 бреш?

Е Исусескере ученикя пучле лес: „Состар ка ахальовас, кай синян атхе тай кай авел о крайос калке светоскоро?“ (Матей 24:3) Тогава о Исусес пхенгяс ленге бут букя, колато ка ачшонас тай ка сикавенас, кай ов вече ачшило Цари ко небес. Десаве калке букиендар си о войни, о бокхалипе тай о земетресения. (Четине Матей 24:7.) И Библия пхенел също, кай о „последна диеса“ ка овен „бут пхаре“, соскето о мануша ка овен кханиле. (2 Тимотей 3:1-5) Калка букя започнинде те ачшон са по-бут таро 1914 бреш.

3. Соске о светос ачшол са по-кханило отсарто е Девлескоро Царство управлинел?

Кана о Исусес ачшило Цари, кергяс война. Ов маргяс пес е Бенгеса тай лескере демониенца, тай победингяс лен. И Библия пхенел, кай о Бенг „сине чшивдо теле ки пхув тай леса сине чшивде лескере ангеля-да“. (Откровение 12:9, 10, 12) О Бенг жанел, кай ка овел унищожиме. Аке соске си бут нервериме тай керел зомкха бут кханилипе саворе манушенге. Ашал леске о светос ачшол са по-кханило! Е Девлескоро Царство ка решинел саворе амаре проблемя.

РОДЕ ПО-ХОРЕСТЕ

4. О пророчества анди Библия сикавен, кай е Девлескоро Царство управлинел таро 1914 бреш

КЛИПИ: Е Девлескоро Царство започнингяс те управлинел презал о 1914 бреш (5:02)

О Дел кергяс о цари Навуходоносор те дикхел йекхе сунесте со ка ачшол андо бъдеще. О Даниил пхенгяс со означинел о суно. Лескере думес сикавен, кай о суно на сине само е царствоске, колескоро цари сине о Навуходоносор, ама е Девлескере Царствоске-да.a (Четинен Даниил 4:17.)

Четинен Даниил 4:20-26, дикхен и таблица тай хоратинен калке въпросиенге:

• 1) Со дикхляс о Навуходоносор пе сунесте? (Дикх о 20 тай о 21 стихи.)

• 2) Со ка ачшолас е каштеса? (Дикх о 23 стихи.)

• 3) Со ка ачшолас, кана свършинен о „ефта времена“? (Дикх о 26 стихи.)

Со си о общо машкар о суно е каштеске тай е Девлескоро Царство

О ПРОРОЧЕСТВО (Даниил 4:20-36)

Управление

1) Бут баро каш

О управление си чшинавдо

2) „Чшинен о каш“ тай мукен те „накхен ефта времена“

О управление си ириме

3) „То царство ка овел туке ириме“

О първо дром, кана о пророчество ачшило...

• 4) Кова си о каш? (Дикх о 22 стихи.)

• 5) Сар лескоро управление сине чшинавдо? (Четинен Даниил 4:29-33.)

• 6) Со ачшило е цариеса Навуходоносор, кана свършинде о „ефта времена“? (Четинен Даниил 4:34-36.)

О ПЪРВО ДРОМ, КАНА АЧШИЛО

Управление

4) О Навуходоносор, цари андо Вавилон

О управление си чшинавдо

5) Палал о 606 бреш пр.Хр. о Навуходоносор денильовел тай нащи те управлинел ефта бреша

О управление си ириме

6) Ов авел песте тай започнинел пак те управлинел

О второ дром, кана о пророчество ачшило...

• 7) Кова си о каш? (Четинен 1 Летописи 29:23.)

• 8) Сар ленгоро управление сине чшинавдо? Катар жанас, кай он на управлиненас, кана о Исусес сине ки пхув? (Четинен Лука 21:24.)

• 9) Кана тай кате сине ириме кавка управление?

О ВТОРО ДРОМ, КАНА АЧШИЛО

Управление

7) О царя андо Израил, колато управлинен таре Девлескоро алав

О управление си чшинавдо

8) О Йерусалим си унищожиме тай 2520 бреша нанай царя андо Израил

О управление си ириме

9) О Исусес ачшол Цари анде Девлескоро Царство ко небес

5. О светос променисайло таро 1914 бреш

Дикхен о КЛИПИ.

КЛИПИ: Таро 1914 бреш о светос променисайло (1:10)

О Исусес пхенгяс саво ка овел о светос, кана ов ка ачшол Цари. Четинен Лука 21:9-11 тай хоратинен калке въпросиеске:

• Саве калке букиендар дикхес те ачшон?

О апостол Павел пхенгяс саве ка овен о мануша презал о последна диеса, коленде ка управлинен о мануша. Четинен 2 Тимотей 3:1-5 тай хоратинен калке въпросиеске:

• Саве дикхес, кай си о мануша авдиес?

6. Со мангас те керас, като жанас, кай е Девлескоро Царство вече управлинел

Четинен Матей 24:3, 14 тай хоратинен калке въпросиенге:

• Со сикавел, кай о Царство вече управлинел?

• Со ащи ту-да те керес?

Е Девлескоро Царство вече управлинел тай сиго ка авел о диес, кана ка управлинел упрал и цело пхув-да. Четинен Евреи 10:24, 25 тай хоратинен калке въпросиеске:

• Со требе те керас, „като дикхас, кай о диес си паше“?

СО СИКЛИЛЯМ

О пророчества тари Библия тай о букя, колато ачшон андо светос, сикавен, кай е Девлескоро Царство вече управлинел. Сикавас, кай верувинас далкхесте, като проповединас за леске тай като жас ко събрания.

О най-важна букя таро уроки

• Со ачшило, кана накхле о „ефта времена“?

• Соске верувинес, кай е Девлескоро Царство управлинел таро 1914 бреш?

• Сар ащи те сикавес, кай верувинес, кай е Девлескоро Царство вече управлинел?

АХАЛЬОВ ПО-БУТ

Дикх со пхенен десаве мануша е букиенге, колато променисайле андо светос таро 1914 бреш.

Стремителният упадък на моралните ценности („Пробудете се!“ април 2007)

Четине сар о пророчество андо Матей 24:14 променингяс йекхе манушескоро животос.

Обичах бейзбола повече от всичко! („Стражева кула“ бр. 3, 2017)

Катар жанас, кай о пророчества андо 4 шеро таро лил Даниил си е Девлескере Царствоске?

Кога започнало да управлява Божието Царство? (1 част) („Стражева кула“ 1 октомври 2014)

Со сикавел, кай о „ефта времена“, коленге пишинел андо 4 шеро таро лил Даниил, свършинде презал о 1914 бреш?

Кога започнало да управлява Божието Царство? (2 част) („Стражева кула“ 1 ноември 2014)

Е Девлескоро Царство вече управлинел. Сиго ка променинел бут букя ки пхув. Нека те дикхас саве шукар букя ка ачшон, кана о Царство ка управлинел.

1. Со ка керел е Девлескоро Царство, за те овел отново мири тай справедливост ки пхув?

О Исусес, о Цари анде Девлескоро Царство, ка унищожинел е кханиле манушен тай ленгере правителства ки война Армагедон. (Откровение 16:14, 16) Тогава ка ачшол кавка обещание тари Библия: „Още хари тай вече нанай те овел мануш, ковато те керел кханиле букя.“ (Псалм 37:10) О Исусес ка използвинел е Девлескоро Царство, за те анел мири тай справедливост ки цело пхув. (Четине Исаия 11:4.)

2. Саво ка овел о животос, кана ки пхув ка ачшол всичко со мангел о Дел?

Кана е Девлескоро Царство ка управлинел, „и пхув ка ачшол е праведноне манушенге тай он ка живинен вечно лате“. (Псалм 37:29) Представине туке те живинес йекхе светосте, колесте саворе мануша си лачше, дехен е Йеховас тай дехен йекх аверес! Никхой нанай те насвальовел тай саворе ка живинен вечно.

3. Со ка керел е Девлескоро Царство, кана о кханиле вече ка овен унищожиме?

Кана о кханиле ка овен унищожиме, о Исусес ка управлинел 1000 брешенге. Презал о 1000 бреша ов тай о 144 000, колато ка управлинен заедно леса, ка помагинен е манушенге ки пхув те ачшон съвършена тай бибезехале. Кана ка свършинен о 1000 бреша, и пхув вече ка овел шукар рай тай саворе мануша ка овен щастлива, соскето ка шунен е Йеховас. Тогава о Исусес ка иринел о Царство пе Дадеске, е Йеховаске, тай е Йеховаскоро алав ка овел свято сарто на сине нисар жи акана. (Матей 6:9, 10) Вече саворе ка жанен, кай о Йехова си лачшо Владетели, ковато дикхел пе служителенге. После о Йехова ка унищожинел е Бенгес, е демониен тай саворен, колато нанай те манген лескоро Царство те управлинел лен. (Откровение 20:7-10) О шукар животос, ковато ка анел аменге е Девлескоро Царство, ка ачшол завинаги.

РОДЕ ПО-ХОРЕСТЕ

4. Е Девлескоро Царство ка махнинел о манушикане правителства

„Мануш командинел манушес лескере кханилипнаске.“ (Еклисиаст 8:9) О Йехова ка използвинел по Царство, за те оправинел кайка несправедливост.

Четинен Даниил 2:44 тай 2 Солунци 1:6-8 тай хоратинен калке въпросиенге:

• Со ка керен о Йехова тай лескоро Чшо, о Исусес, е манушенца, колато управлинен тай калкенца, колато подкрепинен лен?

• Сар о букя, колато жанес е Йеховаске тай е Исусеске, помагинен туке те овес сигурно, кай всичко со ка керен он, ка овел справедливо?

5. О Исусес си о най-лачшо Цари

Сар Цари анде Девлескоро Царство, о Исусес ка керел бут букя, за те помагинел е манушенге ки пхув. Дикхен о КЛИПИ, ковато сикавел, кай о Исусес бут мангел те помагинел е манушенге тай кай о Дел диняс лес и сила далкхеске.

КЛИПИ: О Исусес сикавгяс со ка керел о Царство (1:13)

Е букиенца, колато кергяс о Исусес, кана сине ки пхув, сикавгяс со ка керел е Девлескоро Царство. Саве таро благословиес, колато си пишиме по-нателе, най-бут мангес те ачшон? Четинен о стиховя, колато сикавен калка благословиес.

6. Е Девлескоро Царство ка анел бут шукар животос

КЛИПИ: Те дикхас саво шукар животос ка овел амен (4:38)

Четинен Псалм 145:16 тай хоратинен калке въпросиеске:

• Сар чувствинес тут, като жанес, кай о Йехова ка „дел саворен всичко со мангел ленгоро воги“?

СО СИКЛИЛЯМ

Е Девлескоро Царство ка керел всичко со мангел о Дел. Ка керел и цело пхув рай тай лате ка живинен само лачше мануша, колато ка служинен е Йеховаске завинаги.

О най-важна букя таро уроки

• Сар е Девлескоро Царство ка керел е Йеховаскоро алав свято?

• Соске ащи те верувинас, кай о Царство ка керел о обещания, колато дел и Библия?

• Со най-бут мангес те керел е Девлескоро Царство?

АХАЛЬОВ ПО-БУТ

Ахальов со си о Армагедон.

Какво е Армагедон? (статия на jw.org)

Дикх саве букя ка ачшон, презал „о баро бедствие“, колеске хоратингяс о Исусес. (Матей 24:21)

Какво представлява „голямото бедствие“? (статия на jw.org)

Дикх сар о семейства ащи те представинен песке, кай си заедно андо рай.

Виж себе си в рая (1:50)

Ки статия „Измъчваха ме много въпроси“ четине сар йекх мануш, ковато преди ухкьелас мамуй о политикя, аракхляс о отговоря пе въпросиенге.

Библията променя живота на хората („Стражева кула“ 1 януари 2012)