Тари Библия ахальовас со мангел те пхенел аменге о Дел

О Йехова диняс амен йекх бут шукар подаръки, и Библия. Лате иси 66 по-цикне лила. Ама ащи те пучес тут: „Катар али и Библия? Кастар сине пишиме?“ За те отговоринас калке въпросиенге, нека те дикхас сар кавка со мангел те пхенел аменге о Дел ресло жи аменде.

1. Сар ащи и Библия те овел таро Дел, щом мануша пишинде ла?

Декхате 40 различна мануша пишинде е Библиякере лила тай за те овел пишиме и цело Библия, накхле декхате 1600 бреша. О първо лил сине пишиме декхате англал 3500 бреша тай о последно — декхате англал 1900 бреша. О мануша, колато пишинде и Библия, сине бут различна йекх аверестар. Десаве лендар сине пастиря, рибаря тай царя, ама на ачшило савка проблеми йекх те пишинел десаве букя, а давкха со пишинел декхой авер те сикавел, кай калка букя нанай верна. Сар ачшило давкха? Соскето и Библия си лил таро Дел. (Четине 1 Солунци 2:13.) О мануша, колато пишинде ла, на пишинде пере мислес, а „хоратинде кавка со авел таро Дел, водиме таро свято духос“.a (2 Петър 1:21) О Дел водингяс калке манушен пе святоне духоса, за те пишинен о букя, колато мангелас ов. (2 Тимотей 3:16)

2. Каске ащи те помагинел и Библия?

О Дел пхенгяс, кай и лачши новина тари Библия ка ащи те помагинел манушенге „секоне народостар, племестар, чшибатар тай родостар“. (Четине Откровение 14:6.) Авдиес нанай авер лил сар и Библия, ковато те ащи те четинас зомкха буте чшибенде. Почти секас ащи те овел и Библия, кате-да те бешел тай сави-да чшиб те хоратинел.

3. Со кергяс о Йехова, за те пазинел и Библия?

И Библия сине пишиме упрал букиенде, колато сиго керньонас. Калке букиенге пхенел пес свитъкя тай сине керде таре животноненгери кожа или таро растение, ковато пхенел пес папирус. Ама сине мануша, колато дехенас и Библия тай бут внимателно препишиненас ла. Въпреки кай десаве мануша, колен сине власт, дикхенас те унищожинен и Библия, авер сине готова те ден по животос, за те пазинен ла. О Йехова на мукляс никхой тай нищо те пречинел те ресен жи аменде лескере думес. И Библия пхенел: „Амаре Девлескоро слово ачшол завинаги.“ (Исаия 40:8)

РОДЕ ПО-ХОРЕСТЕ

4. И Библия сикавел аменге кой диняс ла

Дикхен о КЛИПИ. После четинен 2 Тимотей 3:16 тай хоратинен калке въпросиенге:

КЛИПИ: Кастар си и Библия? (част таро клипи) (2:48)

• Соске пхенас, кай и Библия си е Девлескоро Слово, щом мануша пишинде ла?

• Верувинес ли, кай о Дел ащи те тховел пере мислес е манушенге андо гогя, за те пишинен лен?

5. Никхой на успеингяс те унищожинел и Библия

КЛИПИ: Ленге и Библия сине бут важно — част таро клипи (Уилям Тиндъл) (6:17)

• Акана като ахалилян, кай бут мануша сине готова те ден по животос, за те пазинен и Библия, на мангел ли пес туке по-бут те четинес ла? Соске?

Четинен Псалм 119:97 тай хоратинен калке въпросиеске:

• Со традингяс (накарало) буте манушен те овен готова те ден по животос, за те превединен и Библия тай ой те ресел жи по-буте манушенде?

6. И Библия си саворе манушенге

И Библия си о най-преведиме лил, ковато ресло жи най-буте манушенде. Четинен Деяния 10:34, 35 тай хоратинен калке въпросиенге:

• Соске о Дел мангел саворе мануша те ащи те четинен лескоро Слово сави-да чшиб те хоратинен тай кате-да те бешен?

• Со харешингяс туке таро букя, колато ахалилян е Библияке?

СО СИКЛИЛЯМ

И Библия си е Девлескоро Слово тай о Дел кергяс саворе манушен те овел Библия.

О най-важна букя таро уроки

• Сар о Дел кергяс лескере мислес те овен пишиме манушендар?

• Со харешингяс туке таро букя, колато ахалилян е Библияке калке урокиесте?

• Сар чувствинес тут, като жанес кизом бут букя кергяс о Дел, за те ащи те хоратинел туке?

АХАЛЬОВ ПО-БУТ

Дикх со ачшило е Библияса таро свитъкя жи ко превогя, колато иси амен авдиес.

Как Библията е достигнала до нас? („Пробудете се!“ ноември 2007)

Ахальов саве трин букя на успеинде те унищожинен и Библия.

Библията — как е оцеляла? („Стражева кула“ бр. 4, 2016)

Дикх сар десаве мануша сине готова те ден по животос, за те превединен и Библия.

Те ценели Библията (14:26)

И Библия сине преведиме тай препишиме бут дром. Катар жанас, кай кавка со пишинел лате на сине промениме?

Променена ли е Библията? (статия на jw.org)