Те покръстинес тут си о най-шукар решение!

О Исусес сикавгяс, кай ако декхой мангел те ачшол християни, требе те покръстинел пес. (Четине Матей 28:19, 20.) Ама сар керел пес о покръстване? Со требе те керел мануш, за те ащи те покръстинел пес?

1. Сар керел пес о покръстване?

Ки гръцко чшиб и дума „покръстване“ означинел те дес цело андо пани. Кана о Исусес покръстисайло, ов диняс цело анди лен Йордан тай после „иклило таро пани“. (Марко 1:9, 10) О истинска християня-да покръстинен пес, като потопинен пес напълно андо пани.

2. Со сикавел о покръстване?

Като покръстинел пес, мануш сикавел, кай диняс по животос е Йеховаске. Сар декхой дел по животос е Девлеске? Англал те покръстинел пес, йекхе молитвате ов пхенел, кай мангел те служинел е Йеховаске завинаги. Ов дел совел, кай ка служинел само е Йеховаске тай кай о най-важно лескере животосте ка овел те керел е Девлескери воля. Ов решинел те „спиринел те живинел за песке“ тай те на спиринел те керел о букя, колато пхенелас тай керелас о Исусес. (Матей 16:24) Кана мануш дел по животос е Девлеске тай покръстинел пес, ащи те овел лачшо амал е Йеховаса тай е манушенца, колато служинен леске.

3. Со требе те керел мануш, англал те покръстинел пес?

Англал те покръстинес тут требе те сикльовес е Йеховаске тай те барярес ти вяра кариг лесте. (Четине Евреи 11:6.) Кизом по-лачшес пенжарес лес тай кизом по-бари ачшол ти вяра кариг лесте, зомкха по-бари ка овел ти любов-да кариг о Йехова. Тогава ка мангес те проповединес за леске тай те живинес сарто мангел ов. (2 Тимотей 4:2; 1 Йоан 5:3) Кана декхой вече „живинел сарто мангел о Йехова“, за те овел леске „напълно угодно“, ов ащи те решинел те дел по животос е Девлеске тай те покръстинел песa. (Колосяни 1:9, 10)

РОДЕ ПО-ХОРЕСТЕ

4. Со сикльовас таре Исусескоро покръстване

Четинен о стиховя таро Матей 3:13-17, коленде пишинел сар точно покръстисайло о Исусес. После хоратинен калке въпросиенге:

• Дали о Исусес сине бебес, кана покръстисайло?

• Сар сине покръстиме о Исусес? Дали само пръскинде лес паниеса?

Кана вече сине покръстиме, о Исусес започнингяс те керел и специално задача, която диняс лес о Дел. Четинен Лука 3:21-23 тай Йоан 6:38 тай хоратинен калке въпросиеске:

• Сави задача ачшили най-важно е Исусеске, отсарто покръстисайло?

5. Ту ащи те покръстинес тут

Отначало ащи те дарас, кана мислинес те дес то животос е Йеховаске тай те покръстинес тут. Ама като продължинес те сикльовес леске тай те пенжарес лес по-лачшес, ка чувствинес тут готово те лес кавка важно решение. Дикхен о КЛИПИ, ковато сикавел сар десаве мануша решинде те покръстинен пес.

КЛИПИ: Сар те ачшовас амала е Йеховаса (1:11)

Четинен Йоан 17:3 тай Яков 1:5 тай хоратинен калке въпросиеске:

• Со ка помагинел йекхе манушеске те овел готово те покръстинел пес?

1. 1. Дас амаро животос е Йеховаске, като пхенас леске, кай мангас те служинас леске завинаги

2. 2. Кана покръстинас амен, сикавас околенге, кай диням амаро животос е Йеховаске

6. Кана покръстинас амен, ачшовас част таре Йеховаскоро семейство

Кана покръстинас амен, ачшовас част йекхе баре семействостар. Въпреки кай синям различноне държавендар тай преди сине амен различно животос, саворе верувинас ко съща букя тай живинас сарто сикавел амен и Библия. Четинен Псалм 25:14 тай 1 Петър 2:17 тай хоратинен калке въпросиеске:

• Саве благословиес иси е манушен, кана покръстинен пес?

СО СИКЛИЛЯМ

О Исусес сикавгяс, кай о християня требе те покръстинен пес. За те покръстинел пес декхой, требе те барярел пи вяра кариг о Йехова, те живинел сарто мангел ов тай те дел по животос леске.

О най-важна букя таро уроки

• Сар керел пес о покръстване тай соске си зомкха важно?

• Соске си важно хем те дес то животос е Йеховаске, хем те покръстинес тут?

• Со требе те керес, англал те дес то животос е Йеховаске тай те покръстинес тут?

АХАЛЬОВ ПО-БУТ

Ахальов со си о покръстване.

Какво е покръстване? (статия на jw.org)

Дикх со ащи те керел мануш, за те покръстинел пес.

Любовта към Йехова ще те подбуди да се покръстиш („Стражева кула“ март 2020)

Четине со помагингяс йекхе манушеске те мангел те покръстинел пес.

„Те искаха сам да се убедя какво учи Библията“ („Стражева кула“ 1 февруари 2013)

Дикх соске си шукар те покръстинес тут тай со ащи те керес, за те овес готово те покръстинес тут.

Трябва ли да се покръстя? („Въпроси на младите хора — практични отговори“, 2 том, 37 глава)