Соске иси кханилипе тай соске мъчинас амен?

Кана ачшол десаво кханилипе, си нормално мануш те пучел пес: „Соске?“ Со си шукар, кай и Библия отговоринел калке въпросиеске.

1. Кастар ало о кханилипе (злото)?

О Бенг ухтинило мамуй о Дел, демек сикавгяс, кай на мангел те шунел лес. Ов мангелас те управлинел околен тай традингяс е първоне манушен-да, е Адамиес тай е Ева те на шунен е Девлес, като хохавгяс е Ева. (Битие 3:1-5) О Бенг традингяс ла те мислинел, кай о Йехова гаравел шукар букя латар. Ов пхенгяс, кай о мануша ка овен по-щастлива, ако на шунен е Девлес. О Бенг пхенгяс о първо хохайбе, като пхенгяс е Еваке, кай ой нанай те мерел. Аке соске и Библия пхенел, кай о Бенг си „хохавно тай си о дад е хохаймнаскоро“. (Йоан 8:44)

2. Со решинде те керен о Адам тай и Ева?

О Йехова диняс бут букя е Адамиес тай е Ева. Ов пхенгяс, кай он ащи те хан саворе каштендар анди Едемско градина. Само йекхе каштестар на требелас те хан. (Битие 2:15-17) Ама он решинде те хан лестар. И Ева „лиляс таро плоди тай халяс“. После о Адам-да халяс. (Битие 3:6) О дуй-да на шунде е Девлес. О Адам тай и Ева сине съвършена, аке соске авелас ленге андрал те керен само лачшипе. Ама кана коркоре решинде те на шунен е Девлес, он керде безех тай сикавде, кай на манген о Дел те управлинел лен. Он бут цидинде, кай лиле кавка решение. (Битие 3:16-19)

3. Со ангяс аменге о решение, ковато лиле о Адам тай и Ева?

Кана о Адам тай и Ева на шунде е Девлес, ачшиле безехале тай несъвършена тай анде о безех упрал пе саворе чшавенде-да. И Библия пхенел е Адамиеске: „Йекхе манушестар о безех диняс андо светос, тай лестар о мериба, тай о мериба ало упрал саворенде.“ (Римляни 5:12)

Иси бут букя, ашал коленге мъчинас амен. Например патинас, соскето на лас лачше решения или соскето авер мануша лен кханиле решения. Подекхана мъчинас амен, соскето ачшон букя, колато на сине сар те жанас, кай ка ачшон. (Четине Еклисиаст 9:11.)

РОДЕ ПО-ХОРЕСТЕ

4. Кой си виновно, кай мъчинас амен

Бут мануша мислинен, кай о Дел управлинел о светос. Наистина ли о Дел управлинел? Дикхен о КЛИПИ.

КЛИПИ: Кой управлинел о светос? (1:24)

Четинен Яков 1:13 тай 1 Йоан 5:19 тай хоратинен калке въпросиеске:

• О Дел ли си виновно, кай иси кханилипе тай мъчинас амен?

5. Со ачшило отсарто о Бенг управлинел?

КЛИПИ: Соске о Дел домукел о мануша те мъчинен пес? (част таро клипи) (3:07)

Четинен Битие 3:1-6 тай хоратинен калке въпросиенге:

• Саво хохайбе пхенгяс о Бенг? (Дикх о 4 тай 5 стихи.)

• Со пхенгяс о Бенг, за те дикхьол, кай о Йехова гаравел шукар букя таро мануша?

• Со пхенгяс о Бенг, за те хохавел е манушен, кай на требел ленге о Дел, за те овен щастлива?

Четинен Еклисиаст 8:9 тай хоратинен калке въпросиеске:

• Со ачшило андо светос, отсарто о Дел на управлинел е манушен?

1. 1. О Адам тай и Ева сине съвършена тай живиненас андо рай. Ама шунде е Бенгес тай ухтиниле мамуй о Йехова

2. 2. Отсарто он ухтиниле мамуй о Йехова, андо светос иси безех, мъкес тай мериба

3. 3. О Йехова ка махнинел о безех, о мъкес тай о мериба. О мануша пак ка овен съвършена тай ка живинен андо рай

6. Е Йеховаске си пхаро, кана дикхел, кай мъчинас амен

Дали е Девлеске си са йекх, кана мъчинас амен? Дикх со пишинде о цар Давид тай о апостол Петър. Четинен Псалм 31:7 тай 1 Петър 5:7 тай хоратинен калке въпросиеске:

• Сар чувствинес тут, като жанес, кай о Йехова дикхел, кана мъчинас амен тай дукхал лес аменге?

СО СИКЛИЛЯМ

О Бенг тай о първа дуй мануша си виновна, кай андо светос иси кханилипе. Е Йеховаске си бут пхаро, кана дикхел, кай мъчинас амен, тай сиго ка махнинел амаре саворе мъкес.

О най-важна букя таро уроки

• Сар о Бенг хохавгяс е Ева?

• Саво кханилипе керде о Адам тай и Ева саворе манушенге, кана ухтиниле мамуй о Дел?

• Катар жанас, кай е Йеховаске си бут пхаро, кана дикхел, кай мъчинас амен?

АХАЛЬОВ ПО-БУТ

Ахальов со си безех според и Библия.

Какво представлява грехът? (статия на jw.org)

Четине со пхенгяс о Бенг анди Едемско градина.

Защо Бог допуска страданията? („Стражева кула“ 1 януари 2014)

Дикх саве шукар отговоря дел и Библия йекхе трудноне въпросиеске.

Защо Бог допусна холокоста? (статия на jw.org)

Дикх сар йекх мануш ахалило катар авел о кханилипе, ковато дикхляс турял песте.

Вече не съм сам (5:09)