Сар те ахальовас кола си о истинска християня

Бут мануша пхенен, кай си християня, ама верувинен различноне букиенде тай керен песке со манген. Тогава сар те ахальовас кола си о истинска християня?

1. Со означинел те овес християни?

О християня си е Исусескере ученикя, демек о мануша, колато дикхен те овен сар лесте. (Четине Деяния 11:26.) Сар сикавен, кай си лескере ученикя? Ов пхенгяс: „Ако керен о букя, колато ме сикавгьом тумен, наистина синьен мере ученикя.“ (Йоан 8:31) Ахальовас, кай о истинска християня требе те керен о букя, колато сикавелас о Исусес. Ов винаги сикавелас е манушен тари Библия. О истинска християня-да керен о също. (Четине Лука 24:27.)

2. Сар о истинска християня сикавен любов?

О Исусес пхенгяс пе ученикиенге: „Дехен йекх аверес, сарто ме дехав тумен.“ (Йоан 15:12) Сар о Исусес сикавгяс, кай дехел пе ученикиен? Като сине ленца, насърчинелас лен тай помагинелас ленге. Даже диняс по животос ленге. (1 Йоан 3:16) О истинска християня-да ма само пхенен, кай требе те дехас амен, ама също сикавен, кай дехен йекх аверес, е букиенца, колато хоратинен тай керен.

3. Сави задача иси е истинсконе християниен?

О Исусес диняс пе ученикиен йекх задача. Ов „бичшалгяс лен те проповединен е Девлескере Царствоске.“ (Лука 9:2) О първа християня хоратиненас таро Дел ма само ко тхана, коленде поклониненас пес леске, ама авере-да тханенде, кате киденас пес о мануша. Он жанас кхер кхерестар-да. (Четине Деяния 5:42; 17:17.) Авдиес-да о истинска християня проповединен и истина тари Библия, секоне тханесте, кате иси мануша. Он дехен околен, аке соске си готова те ден по време тай пе силес, за те сикавен е манушенге сави надежда тай утеха дел амен и Библия. (Марко 12:31)

РОДЕ ПО-ХОРЕСТЕ

4. Он манген те ахальовен и истина тари Библия

Ма саворе, колато пхенен, кай си християня, мислинен, кай и истина тари Библия си важно. Дикхен о КЛИПИ тай хоратинен калке въпросиеске:

КЛИПИ: Сар о християня започнинде те верувинен хохавне букиенде (5:11)

• Со керде десаве кхангеря, колато пхенен, кай си християнска, за те пречинен е манушенге те ахальовен со сикавелас о Исусес?

О Исусес проповединелас и истина таре Девлескоро Слово. Четинен Йоан 18:37 тай хоратинен калке въпросиеске:

• Според о Исусес, сар ащи те ахальовас кола християня си истинска?

5. Проповединен и истина тари Библия

Англал те иринел пес ко небес, о Исусес диняс пе ученикиен йекх задача, която он керен жи авдиес. Четинен Матей 28:19, 20 тай Деяния 1:8 тай хоратинен калке въпросиеске:

• Кизом време ка проповединенас тай жи кате ка ресенас?

6. Он керен о букя, колато проповединен

Соске йекх мруш сине сигурно, кай ахалило кола си о истинска християня? Дикхен о КЛИПИ тай хоратинен калке въпросиенге:

КЛИПИ: Откажисайльом таро религиес (5:20)

• Соске о Том откажисайло тари религия?

• Соске си сигурно, кай аракхляс и истина?

Ако декхой пхенел, кай си е Исусескоро ученики, требе те сикавел лес е букиенца, колато керел. Четинен Матей 7:21 тай хоратинен калке въпросиеске:

• Со си по-важно е Исусеске: состе пхенас, кай верувинас или со сикавас, е букиенца, колато керас?

7. Он сикавен, кай дехен йекх аверес

Готова ли си наистина о истинска християня те ден по животос пе пхраленге? Дикхен о КЛИПИ тай хоратинен калке въпросиенге:

КЛИПИ: Ов сине готово те дел по животос (2:55)

• Со траделас е пхралес Лойд те овел готово те дел по животос е пхралеске Йохансон?

• Мислинес ли, кай ов кергяс со требе те керел йекх истинско християни?

• Сар е Исусескере ученикя (о истинска християня) требе те икерен пес е манушенца, колато си различна лендар или си авере народостар?

• Со ка керен он, кана иси война?

СО СИКЛИЛЯМ

О истинска християня керен о букя, колато сикавел и Библия, иси лен зомкха бари любов, кай си готова те ден по животос околенге тай проповединен и истина тари Библия.

О най-важна букя таро уроки

• Катар авен о букя, коленде верувинен о истинска християня?

• Кова качество сикавел кола си о истинска християня?

• Сави задача иси е истинсконе християниен?

АХАЛЬОВ ПО-БУТ

Ахальов по-бут е манушенге, колато дикхен те овен сар о Исусес тай те керен о букя, колато сикавелас ов.

Е Йеховаскере Свидетеля —кола синям аме? (1:13)

Дикх сар йекх жувли, която преди сине монахиня, аракхляс е истинсконе християниен.

Те отговориха на всичките ми въпроси с помощта на Библията! („Стражева кула“ 1 април 2014)

Ахальов сар о истинска християня сикавен, кай дехен пе пхрален тай пе пхениен, коленге требел помощ.

Помощ за братята при бедствие (откъс) (3:57)

Дикх сар о първа християня сикавенас, кай си е Исусескере ученикя, тай сар авдиес о истинска християня керен о също.

Кои са белезите на истинското християнство? („Стражева кула“ 1 март 2012)