Саворе ли празникя харешинен е Девлеске?

О Йехова мангел те овел амен щастливо животос тай подекхана те празнувинас-да. Ама саворе ли празникя харешинен е Йеховаске? Сар ащи те сикавас амари любов кариг о Йехова, кана решинас дали те празнувинас десаво празники или на-а?

1. Соске е Йеховаске на харешинен бут таро празникя?

Може би за първи път шунес, кай бут таро празникя нанай тари Библия, а авен таро хохавне религиес тай таро хохавне букя, коленде верувинен десаве мануша. Например он верувинен, кай е мулен иси душа, която продължинел те живинел. Десаве празникиенде иси магярска букя. О мануша празнувинен десаве празникя, соскето даран, кай ако на керен лен, ка ачшол десаво кханилипе ленца или соскето верувинен, кай иси бах. (Исаия 65:11) О Йехова пхенел пе служителенге: „Циден тумен ... тай вече ма долен мелале букя.“ (2 Коринтяни 6:17)a

2. Со мислинел о Йехова е празникиенге, колато ден слава манушенге?

О Йехова пхенел аменге, кай си опасно „те надинас амен манушенде“. (Четине Йеремия 17:5.) Десаве празникя ден слава манушенге, колато сине управникя или колато муле пе държаваке. Авере празникиенде о мануша почитинен букя сар о знамес или о диес, кана и държава сине освободиме. (1 Йоан 5:21) Иси празникя-да, коленде о мануша празнувинен политическа букя или празнувинен, кай боринде пес, за те овен лен десаве права. Сар ка чувствинел пес о Йехова, ако дас слава манушенге, особено калкенге, колато традинде околен те керен букя, колато си против лескери воля?

3. Саве букя, колато си кханиле е Девлеске андо якха, керен о мануша ко празникя?

И Библия пхенел, кай нанай шукар те „макярас амен, те жас ко джумбушя, коленде секой керел песке со мангел, тай те дикхас кой кастар по-бут ка пиел“. (1 Петър 4:3) Десаве празникиенде о мануша зомкха бут отмукен пес, кай керен мръсна букя. За те ачшовас амала е Йеховаса, требе те овас дур таро букя, колато си мелале леске андо якха.

РОДЕ ПО-ХОРЕСТЕ

4. Отчшив о празникя, колато о Йехова мразинел

Четинен Ефесяни 5:10 тай хоратинен калке въпросиенге:

• Состе требе те овас сигурна, кана решинас дали те празнувинас десаво празники?

• Саве празникя празнувинен о народос отхе, кате бешес ту?

• Мислинес ли, кай калка празникя харешинен е Йеховаске?

Например мислингян ли декхана дали о Йехова харешинел о рожденденя? Анди Библия на пишинел нито йекхвар, кай мануш, ковато служинел е Йеховаске, кергяс по рожденден. Лате четинас само до манушенге, колато керде по рожденден, ама он на служиненас е Девлеске. Четинен Битие 40:20-22 тай Матей 14:6-10 тай хоратинен калке въпросиенге:

• Со ачшило ко дуй-да рожденденя?

• Щом калка букя си пишиме анди Библия, според туте со мислинел о Йехова, кана о мануша празнувинен рожденденя?

Ама все пак ащи те чудинес тут: „Наистина ли си важно е Йеховаске дали ка жав на рожденден или авере празникиесте, ковато нанай тари Библия?“ Четинен Изход 32:1-8. После дикхен о КЛИПИ тай хоратинен калке въпросиенге:

КЛИПИ: Празникя, колато нанай шукар е Девлеске андо якха (5:07)

• Соске требе те дикхас те ахальовас дали е Йеховаске харешинел десаво празники?

• Со те керас, за те ахальовас?

Сар те ахальовас саве празникя на харешинен е Девлеске

• Иси ли лесте хохавне букя, колато нанай тари Библия? За те ахальовес, дикх катар авел о празники.

• Дел ли слава десаве манушеске или е държаваке? Аме дас най-бари слава е Йеховаске тай верувинас, кай ов ка решинел саворе амаре проблемя.

• Дали калке празникиесте керен пес букя, колато и Библия пхенел те на керас? Требе те ачшовас шуже е Девлеске андо якха.

5. Помагине околенге те уважинен о букя, коленде верувинес

КЛИПИ: Пхен состе верувинес, без те дукхавес околен (2:01)

Четинен Матей 7:12 тай хоратинен калке въпросиенге:

• Според о стихи, требе ли те пхенес те енданиенге, колато на служинен е Йеховаске, кай на требе те празнувинен десаво празники?

• Со ащи те керес, за те сикавес те енданиенге, кай дехес лен тай кай уважинес лен, въпреки кай нанай те празнувинес ленца?

6. О Йехова мангел те овас щастлива

О Йехова мангел те овел аменге шукар, кана синям амаре семействоса тай амаре амаленца. Четинен Еклисиаст 8:15 тай хоратинен калке въпросиеске:

• Сар кавка стихи сикавел, кай о Йехова мангел те овас щастлива?

О Йехова мангел лескере манушенге те овел бут шукар, кана си заедно. Дикхен о КЛИПИ, ковато сикавел кизом си аменге шукар, кана синям ко международна конгреся.

КЛИПИ: Сар посрещнинас е госкиен ко международна конгреся (5:40)

Четинен Галатяни 6:10 тай хоратинен калке въпросиенге:

• Дали за те керас „лачшипе“ околенге, требе те празнувинас десаве празникя?

• Кана ка овел туке по-приятно — кана иси празники тай дес подаръки, соскето требе, или кана керес подаръки, соскето ту мангес?

• Бут Свидетеля подекхана керен изненадес пе чшавенге, като керен ленге партита тай ден лен подаръкя. Ако иси тут чшаве, саве специална букя ащи те керес за ленге?

СО СИКЛИЛЯМ

О Йехова мангел те овел аменге шукар, кана синям амаре семействоса тай амаре амаленца. Ама мангел също те отчшияс о празникя, колато мразинел.

О най-важна букя таро уроки

• Сар ка ахальовас дали йекх празники харешинел е Йеховаске?

• Сар ащи те помагинас амаре семействоске тай амаре амаленге те ахальовен соске на празнувинас десаве празникя?

• Катар жанес, кай о Йехова мангел те овас щастлива тай те овел аменге шукар?

АХАЛЬОВ ПО-БУТ

Четине саве празникя на празнувинен о истинска християня.

Защо Свидетелите на Йехова не празнуват определени празници? (статия на jw.org)

Ахальов саве щар букя сикавен, кай о Дел мразинел о рожденденя.

Защо Свидетелите на Йехова не празнуват рождени дни? (статия на jw.org)

Дикх сар о чшаве, колато дехен е Йеховас, ащи те анен леске радост, кана иси празникя.

Ту синян ценно е Йеховаске (11:35

Бут християня решинде те на празнувинен Коледа. Дали ачшиле пишмани, кай лиле кавка решение?

Нещо по-добро от Коледа („Стражева кула“ 1 декември 2012)