Избирине лачшес те амален

Амаро животос ачшол по-шукар, кана иси амен амала. Он помагинен аменге, кана си аменге пхаро. Ама и Библия пхенел, кай нащи секо йекх мануш те овел лачшо амал. Тогава сар те избиринес туке лачше амален? Дикх со требе те жанес.

1. Соске си важно саве амала избиринес туке?

Каса тховас амен, салка ка ачшовас. Ако синям бут време десаве манушенца, започнинас те икерас амен сар ленде тай те мислинас сар ленде. Он ащи или те помагинен аменге те ачшовас по-лачше мануша или те аравен амен, без значение дали си жи аменде или дикхас лен ко интернети. И Библия пхенел, кай „мануш, ковато тховел пес гогявере манушенца, ка ачшол гогявер, а мануш, ковато тховел пес манушенца, колато нанай гогявер [колато на дехен е Йеховас], ка патинел“. (Притчи 13:20) О амала, колато дехен е Йеховас тай служинен леске, ащи те помагинен аменге те ачшовас паше жи лесте тай те лас лачше решения. Ама ако иси амен амала, колато нанай таро сбори, он ащи те циден амен таро Йехова. Аке соске и Библия пхенел аменге те избиринас лачшес амаре амален! Ако он дехен е Девлес, ка ащи те помагинас йекх авереске. Тай кана си аменге пхаро, ка ащи те зоралярас йекх аверес. (1 Солунци 5:11)

2. Соске си важно е Йеховаске саве амала избиринес туке?

О Йехова на ачшол амал секаса, а избиринел бут шукар пе амален. Ов „си лачшо амал е манушенца, колато си честна“. (Притчи 3:32) Сар ка чувствинел пес о Йехова, ако мангас те овас амала манушенца, колато на дехен лес? Бут ка дукхал лес! (Четине Яков 4:4.) Ама ако отчшиас е кханиле амален тай синям амала е Йеховаса тай калкенца, колато дехен лес, ка анас леске радост тай ов ка мангел те овел амал аменца. (Псалм 15:1-4)

РОДЕ ПО-ХОРЕСТЕ

3. Пазине тут кханиле амалендар

О мануша, колато на дехен е Йеховас, на шунен лес тай на живинен, сарто ов мангел, си кханиле амала. Дикхен о КЛИПИ тай хоратинен калке въпросиеске:

КЛИПИ: Сикльов те на тховес тут кханиле амаленца (6:17)

• Сар ащи те започнинас те тховас амен кханиле манушенца без те ахальовас?

Четинен 1 Коринтяни 15:33 тай хоратинен калке въпросиенге:

• Саве мануша ащи те овен кханиле амала за туке? Соске?

Четинен Псалм 119:63 тай хоратинен калке въпросиеске:

• Со ка помагинел туке те ахальовес дали йекх мануш си лачшо амал?

4. Ащи те ачшовас лачше амала даже манушенца, колато си различна амендар

И Библия пхенел, кай о Давид тай о Йонатан сине бут лачше амала, въпреки кай сине бут различна — о Давид сине терно пастири, а о Йонатан сине бут по-баро лестар тай сине е цариескоро чшо. Четинен 1 Царе 18:1 тай хоратинен калке въпросиеске:

• Соске нанай нужда декхой те овел амаре брешенде или те овен лес зомкха парес, кизом амен иси, за те овел амаро амал?

Четинен Римляни 1:11, 12 тай хоратинен калке въпросиеске:

• Сар о амала, колато дехен е Йеховас, ащи те помагинен йекх авереске?

Ко клипи дикх каса ачшило амал йекх терно пхрал. Дикхен о КЛИПИ тай хоратинен калке въпросиенге:

КЛИПИ: Ащи те овес амал манушенца, колато си различна тутар (5:06)

• Соске е чшавескере родителя мангенас те жанен саве амала иси лес ки училища?

• Соске отначало харешинелас е чшавеске те овел амал калке манушенца?

• Со помагингяс леске те на чувствинел пес коркоро?

5. Сар те овен тут лачше амала

КЛИПИ: Саво си о истинско амал? (4:14)

Четинен Притчи 18:24 тай 27:17 тай хоратинен калке въпросиенге:

• Сар о истинска амала помагинен йекх авереске?

• Иси ли тут лачше амала? Ако нанай тут, сар ащи те аракхес туке?

Четинен Филипяни 2:4 тай хоратинен калке въпросиеске:

• За те овен тут лачше амала, ту-да требе те овес лачшо амал. Сар ащи те сикавес, кай синян лачшо амал?

СО СИКЛИЛЯМ

Ка анас радост е Йеховаске тай ка овел амаре лачшипнаске, ако тховас амен само лачше амаленца.

О най-важна букя таро уроки

• Соске си важно е Йеховаске саве амала избиринас аменге?

• Саве манушенца на требе те овас амала?

• Сар ащи те ачшовас лачше амала е манушенца, колато дехен е Йеховас?

АХАЛЬОВ ПО-БУТ

Дикх сар о истинска амала ащи те помагинен аменге кана си аменге пхаро.

Създай здрави приятелства, преди да дойде краят („Стражева кула“ ноември 2019)

Дикх со ащи те керес, за те аракхес туке лачше амален.

Как да си намеря добри приятели? („Въпроси на младите хора — практични отговори“, 1 том, 8 глава)

Со требе те жанес, ако мангес те овен тут амала ко интернети?

Използвай разумно социалните мрежи (4:12)

Анди статия „Копнеех да имам баща“ четине соске йекх мануш аракхляс песке неве амален?

Библията променя живота на хората („Стражева кула“ 1 април 2012)