03 УРОКИ
Ащи ли те верувинес, кай всичко со пхенел и Библия си верно?
Анди Библия иси бут обещания тай съвекя. Сигурно мангес те жанес со сикавел ой, ама също синян внимателно-да. Ащи ли те верувинес ко букя, колато обещинел тай те приеминес о съвекя, колато дел кавка пурано лил? Дали всичко со пхенел и Библия си полезно аменге авдиес тай дали ащи те верувинас ко букя, колато пхенел, кай ка ачшон андо бъдеще? Бут мануша верувинен анди Библия. Нека те дикхас дали ту-да ащи те верувинес лате.
1. Дали всичко со пишинел анди Библия си истина?
И Библия пхенел, кай лате си „о точна хоратес, колато си истина“. (Еклисиаст 12:10) Лате пишинел истинсконе манушенге тай букиенге, колато наистина ачшиле. (Четине Лука 1:3; 3:1, 2.) Бут учена, колато изследвинен о пуране букя, пхенен, кай о бреша, о тхана тай о събития, коленге пишинел анди Библия, си верна.
2. Соске ащи те пхенас, кай и Библия си полезно, нищо кай си пурано лил?
Анди Библия пишинел бут букя, колато о мануша на жаненас, кана ой сине пишиме. Например лате пишинел десаве научна букя, колато бут мануша на приеминенас околе диесенде. Ама авдиес о учена ахалиле, кай о букя, колато пхенел и Библия си верна. О думес анди Библия „си верна акана тай завинаги“. (Псалм 111:8)
3. Соске ащи те верувинас ко букя, колато пхенел и Библия, кай ка ачшон андо бъдеще?
Анди Библия иси пророчестваa, колато сикавен „о букя, колато панда на ачшиле“. (Исаия 46:10) Лате си предскажиме бут букя, бут време англал те ачшон. Също лате пишинел точно со ачшол андо светос авдиес. Калке урокиесте ка раздикхас десаве пророчества тари Библия. Кавка кизом точно изпълнисайле он, керел баро впечатление!
РОДЕ ПО-ХОРЕСТЕ
Ахальов со сикавел, кай според и наука, о букя, колато си пишиме андиБиблия, си точна тай дикх десаве бут интересна пророчества тари Библия.
4. Според и наука о букя, колато си пишиме анди Библия, си точна
Андо пуране диеса бут мануша верувиненас, кай и пхув си тховди упрал десаве букиенде. Дикхен о КЛИПИ.
Дикх со сине пишиме андо лил Йов, декхате 3500 бреша англал амаре диесенде. Четинен Йов 26:7 тай хоратинен калке въпросиеске:
Соске кавка со пхенел и Библия, кай и Пхув на икергьол нисосте, керел аменге баро впечатление?
О мануша на ахальовенас катар авел о пани, ковато перел ки пхув, кана дел бришим. Он ахалиле кавка декхате 200 бреша англал амаре диесенде. Ама дикх со сине пишиме анди Библия декхате 3500 бреша по-рано. Четинен Йов 36:27, 28 тай хоратинен калке въпросиенге:
Соске кавка сар и Библия обяснинел катар авел о бришим си бут интересно?
Дали о стиховя, колато четингян акана, барярен то доверие анди Библия?
5. Анди Библия пишинел десаве важна букя, колато ка ачшонас андо бъдеще
Четинен Исаия 44:27-45:2 тай хоратинен калке въпросиеске:
Саве букя сине предскажиме анди Библия 200 бреша англал те овел победиме и диз Вавилон?
И история сикавел, кай о персийско цари Кир тай лескери войска прелиле и диз Вавилон декхате 540 бреша англал те биянгьол о Исусес. Он хранле йекх канали, за те циден о пани тари лен, която пазинелас и диз. После дине анди диз презал о портес, колато о вавилонця мукле путерде, тай прелиле ла би маримнаскоро. Вече накхле декхате 2500 бреша тай авдиес таро Вавилон ачшиле само бара. Акана дикх со сине предскажиме анди Библия.
Четинен Исаия 13:19, 20 тай хоратинен калке въпросиеске:
Сар о букя, колато ачшиле е дизаса Вавилон сикавен, кай о пророчество тари Библия изпълнисайло?
О бара, колато ачшиле таро Вавилон, андо Ирак
6. Анди Библия пишинел о букя, колато ачшон авдиес
Анди Библия амаре диесенге пхенел пес „о последна диеса“. (2 Тимотей 3:1) Дикх со пишинел лате е последноне диесенге.
Четинен Матей 24:6, 7 тай хоратинен калке въпросиеске:
Саве букя пхенел и Библия, кай ка ачшонас андо последна диеса?
Четинен 2 Тимотей 3:1-5 тай хоратинен калке въпросиенге:
Саве пхенел и Библия, кай ка овенас о мануша андо последна диеса?
Саве калке букиендар дикхес андо мануша?
ДЕСАВЕ МАНУША ПХЕНЕН: „Анди Библия иси приказкес тай легендес.“
Според туте кова си о най-баро доказателство, кай ащи те верувинас ки Библия?
СО СИКЛИЛЯМ
И история, и наука тай о пророчества сикавен, кай ащи те верувинес ки Библия.
О най-важна букя таро уроки
Истина ли си всичко со пишинел анди Библия?
Саве букя пишинел анди Библия, колато според и наука си точна?
Мислинес ли, кай тари Библия ащи те ахальовас со ка ачшол андо бъдеще? Соске?
АХАЛЬОВ ПО-БУТ
Иси ли букя анди Библия, коленге о учена пхенен, кай си погрешна?
Саве букя ачшон ко „последна диеса“?
6 библейски пророчества се изпълняват пред очите ти („Стражева кула“ 1 май 2011)
Дикх сар изпълнисайле десаве букя, колато пишинел анди Библия, кай ка керелас и Гръцко империя.
Дикх сар о пророчества тари Библия традинде йекхе манушес те променинел по мнение е Библияке.
a О пророчества си букя, колато о Дел пхенгяс, кай ка ачшон андо бъдеще.