Da li o mule ćaće palem ka živinen?

SO PHENELA I BIBLIJA

„O Devel ka uskrsnini hem okolen soj tane pravedna hem okolen soj tane nepravedna“ (Dela apostolska 24:15, prevod Novi svet)

SO ODOVA TUĆE ZNAČINI

Ka ovel amen uteha ked neko merela amendar (2. Korinćanima 1:3, 4)

Ka ova oslobodime kotar i dar ando meribe (Jevrejima 2:15)

Ka ovel amen nada so palem ka ova okolencar kola mulje amendar (Jovan 5:28, 29)

DA LI ŠAJ ĆAĆE TE VERUJINE KO ODOVA SO PHENELA I BIBLIJA?

Ja, ando najhari trin razlogija:

• O Devel tano Stvoritelj ando životi. Ki Biblija pisini so ando Devel, o Jehova, „avela o životi“ (Psalam 36:9; Dela apostolska 17:24, 25). Sebepi so sa stvorinđa, ov šaj nekas ko mulo palem te irini ko životi.

• O Devel uskrsninđa e manušen ko purano vreme. I Biblija vaćeri ando ofto manuša kola uskrsninđe ko životi ki phuv. Maškaro lende hine terne, phure, murša hem đuvlja. Disave hine mule jekh kratko vreme, ama jekh manuš hine štar dive ko grobo! (Jovan 11:39-44).

• O Devel mangela palem te ćerel odova. O Jehova mrzini o meribe, olese tano o meribe sar neprijatelji (1. Korinćanima 15:26). Ov mangela te pobedini odole neprijatelje, te uništini o meribe prekalo uskrsenje. Ov jedva ađićeri te irini ko đivdipe ki phuv okolen kola tane ko oleso sećanje (Jov 14:14, 15).