Nedelja, 2. novembar
Odolese, te na sova sar so avera sovena, nego te ova đangavde hem trezvena (1. Sol. 5:6)
O mangipe tano but važno sose pomožini amen te aćhova đangavde hem trezvena (Mat. 22:37-39). O mangipe premalo Devel pomožini amen te istrajina đi propovedinaja, iako šaj te oven amen problemija (2. Tim. 1:7, 8). Odolese so mangaja okolen kola na služinena e Jehovase, amen svedočinaja hem prekalo telefoni ja lila. Amen na našalaja amari nada so jekh dive on ka meninen pe hem ka počminen te ćeren odova soj tano šukar (Jezek. 18:27, 28). Amen mangaja hem amare phralen hem phenjen. Odova mothovaja ked „tešinaja hem zorjaćeraja jekh jekhe“ (1. Sol. 5:11). Sar so o vojnikija ko maribe jekh jekhese pomožinena hem amen hrabrinaja jekh jekhe. Isto ađahar, ni amen niked namerno na ka povredina amare phralen niti ka irina o lošno lošnipaja (1. Sol. 5:13, 15). Isto ađahar, amen mothovaja mangipe ađahar so poštujinaja okolen kola predvodinena ki skupština (1. Sol. 5:12; w23.06 10 ¶6; 11 ¶10-11).
Ponedeljak, 3. novembar
Ked o Jehova diso phenela, na ka ćerel li odova? (Br. 23:19)
Jekh način sar šaj te zorjaćera amari vera tano ađahar so ka razmislina andi otkupnina. I otkupnina uverini amen so o Devel sigurno ka ispunini sa pe obećanja. Ked razmislinaja odolestar sose o Jehova dinđa i otkupnina hem kobor bari žrtva ćerđa, amen pana pobuter verujinaja so ov ka ispunini po obećanje so ka živina večno. Sose šaj te phena odova? So i otkupnina sa uključinđa? O Jehova bićhalđa pe prvobijande Ćhave, koleja hine but paše, te avel ando nebo ki phuv sar savršeno manuš. Ki phuv, o Isus hine le razna pharipa. Ko krajo, but patinđa hem mulo. Kobor samo bari cena o Jehova platinđa! O Jehova niked ne bi mukhela pe Ćhave te patini hem te merel samo te bi amen jekh kratko vreme živinaja šukar (Jov. 3:16; 1. Petr. 1:18, 19). Odolese so dinđa pe mangle Ćhave, šaj te ova sigurna so o Jehova ka del amen o večno životi (w23.04 24-25 ¶17-18).
Utorak, 4. novembar
Meribe, kaj tano to zoralipe? (Os. 13:14)
Da li o Jehova isi le želja te vazdel okolen so mulje? Naravno. Ov dinđa nekobor manuša ki Biblija te pisinen ando oleso obećanje so ka vazdel e mulen (Is. 26:19; Otkr. 20:11-13). A ked o Jehova diso obećini, ov odova uvek ispunini (Is. Nav. 23:14). O Jehova jedva ađićeri te vazdel okolen so mulje. Razmislin ando Jovese lafija. Ov hine sigurno so ako merela, o Jehova jedva ka ađićeri palem te dikhel le (Jov 14:14, 15, fusn.). O Jehova isi le bari želja palem te dikhel sa pe slugen kola mulje. Odolese, ov jedva ađićeri te irini len ko životi saste hem bahtale. So ka ovel okolencar kola mulje, a na hine len prilika te upoznajinen o ćaćipe? O Jehova mangela hem olen te uskrsnini (Dela 24:15). Ov mangela te del len prilika te oven olese amala hem te živinen večno (Jov. 3:16; w23.04 9 ¶5-6).