Ο Πρώτος Γράμμας σο Γραφιντάς ο Ιωάννης
1 Γραφίνασα τουμένγκε οντουλέσκε σο ισινέ κατά αρχή, σο ασουντάμ-λες, σο ντικχλάμ-λες αμαρέ γιακχίντζαρ, σο τθεράας αμαρέ γιακχά οπρά-λέστε ντα αμαρέ βαστά ασταρντέ-λες. Βοβ ισί ο λάφι ι ζωγιάκο. 2 Βα, η ζωή σο ατσσόλα για πάντα σικάντιλι αμένγκε, ντα αμέν ντικχλάμ-λα ντα σικαβάσα ότι ισί μπαγιά ντα μουτθαβάσα-λα τουμένγκε. Ανταγιά ζωή σο ατσσόλα για πάντα ισί κατά Ντατ ντα σικάντιλι αμένγκε. 3 Μουτθαβάσα τουμένγκε-ντα οντουλέσκε σο ντικχλάμ ντα ασουντάμ για τι αβέν τουμέν-ντα ενωμέ αμέντζαρ. Αντικάς ισινάμ ενωμέ εμ ι Νταντέσαρ εμ λέσκε Τσσαβέσαρ, ι Ιησού Χριστόσαρ. 4 Οτθάρ, γραφίνασα-λεν ανταλά για τι αβάς πφερντέ χαρά.
5 Ανταλά ισί ο λάφια σο ασουντάμ λέσταρ ντα βακεράσα-λεν τουμένγκε: Ο Ντεβέλ ισί φως ντα να υπαρχίντιβελα ιτς καρανίκι λέστε. 6 Άμα κα βακεράς: «Ισινάμ ενωμέ λέσαρ», αλλά πφιράσα κο καρανίκι, βακεράσα ψέματα ντα να τζουβντιάσα αντικάς σαρ βακερέλα η αλήθεια. 7 Όμως, άμα πφιράσα κο φως σαρ ισί βοβ κο φως, ισινάμ ενωμέ ο εκ ι γιαβερέσαρ, ντα ο ρατ ι Ιησούσκο, λέσκε Τσσαβέσκο, καθαρίνελα-αμέν σαρέ κατά αμαρτίες.
8 Άμα κα βακεράς: «Να τθεράσα αμαρτία», χουχαβάσα αμαρό νεαυτός ντα η αλήθεια νανέ αντρέ αμαρέ γκίστε. 9 Άμα μουτθαβάσα αμαρέ αμαρτίες, βοβ ισί πιστός ντα δίκαιος για τι συγχωρίνελ αμαρέ αμαρτίες ντα τι καθαρίνελ-αμέν σαρέ κατά γκεραλέ* πράγματα. 10 Άμα κα βακεράς: «Να τθεράσα κερντό αμαρτία», νικαβάσα-λες ψεύτης, ντα λέσκο λάφι νανέ αντρέ αμαρέ γκίστε.