Ο Πρώτος Γράμμας σο Γραφιντάς ο Πέτρος
2 Οτθάρ, νικαβέν οπρά-τουμένταρ σο-ντα γκεραλιπέ* ντα πφιρνιπέ τθερένα, ο χουχαϊπέ,* ι ζήλια σο ισί πφερντί μίσος ντα σαρέ ο μπέτι λάφια. 2 Σαρ εκ χουρντό μαξίμι κερέλα σαρ σαρ τι πιλ τθουτ πι νταγιάταρ, αντικάς τουμέν-ντα τι κερέν σαρ σαρ ι Ντεβλέσκε λαφίσκε σο ισί σαρ πάκι* τθουτ, ντα αντικάς αντράλ λέσταρ τι μπαριόν ντα τι σώντιβεν. 3 Ανταβά κα αβέλ-πες άμα αγαβένα λατσσές ότι ο Κύριος σικαβέλα λατσσιπέ.
4 Ο τζενέ να μανγκλέ ανταβά τζουβντό μπαρ, αλλά ο Ντεβέλ τραμπιντάς-λες ντα τθερέλα λέσκε μπαρί αξία. Κάνα τζάνα πασέ ανταλέ μπαρέστε, 5 τουμέν σαρ τζουβντέ μπαρά ισινέν κχερ* σο χτίντιβελα ι Ντεβλέσκε πνευμάσαρ για τι αβέν άγιοι ιερείς* ντα τι ντεν θυσίες κο Ντεβέλ.* Ανταλά θυσίες κερένα ο γκι ι Ντεβλέσκο αντράλ κατά Ιησούς Χριστός. 6 Η Γραφή βακερέλα: «Τσσουβάβα κι Σιών εκ μπαρ σο τραμπιντόμ, ο πο σημαντικός μπαρ κι γωνία κι θεμελιόσκι, ντα κον σικαβέλα πίστη λέστε να κα λατζάντιβελ».
7 Άρα, βοβ τθερέλα μπαρί αξία τουμένγκε, σόσκε πακιάνα λέστε. Αλλά οντουλένγκε σο να πακιάνα λέστε, «ο μπαρ σο να μανγκλέ ο χτίστες αβιλό ο πο σημαντικός μπαρ ι γωνιάκο» 8 ντα αβιλό «μπαρ σο κα κερέλ ι τζενέν τι περέν ντα εκ μπαρό μπαρ σο κα τσσιναβέλ λένγκο ντρομ». Ανταλά τζενέ περένα σόσκε να ντένα καν κο λάφι κι Ντεβλέσκο. Ανταβά βακέρντιλοας ότι κα αβέλας-πες λένγκε. 9 Αλλά τουμέν ισινέν «ο λαός σο τραμπίντιλο, ισινέν βασιλιάδες ντα ιερείς, άγιος λαός σο ισί σάντε ι Ντεβλέσκο για τι μουτθαβέν σαριλένγκε ο μπουτ σουκάρ ιδιότητες»* Οντουλέσκε σο ντινάς-τουμέν βίκος τι νικιόν κατά καρανίκι ντα τι αβέν κο μπαρό φως λέσκο. 10 Ανγκλέ να ισινένας λαός, ακανά όμως ισινέν λαός ι Ντεβλέσκο. Ανγκλέ να τζιτζισάλοας τουμένγκε ο Ντεβέλ, ακανά όμως τζιτζισάλο* τουμένγκε.
11 Πφραλάλεν, βακεράβα τουμένγκε σο ισινέν ξένοι ανταλέ ντουνιάστε ντα κα ατσσόν για χάνικ λέστε τι νασέν ντουρ κατά μπέτι πράγματα σο μανγκέλα ο γκι ντα σο πολεμίνενα-τουμέν.* 12 Συνεχίνεν τι κερέν λατσσέ πράγματα ανταλέ ντουνιάστε για τι ντικχέν-λεν ο τζενέ πουμαρέ γιακχίντζαρ κάνα κατηγορίνενα-τουμέν ότι κερένα γκεραλέ πράγματα. Ντα αντικάς τι δοξάνεν ι Ντεβλές κο ντιβές σο κα αβέλ για τι κρίνελ.
13 Για τι κερέν οντουβά σο μανγκέλα ο Κύριος, ντεν καν σαρέ οντουλέντε σο κερένα κουμάντος:* είτε κο βασιλιάς σο ισί πο οπρέ τουμένταρ 14 είτε κο τζενέ σο τσσουντάς-λεν ο βασιλιάς για τι τιμωρίνεν οντουλέν σο κερένα γκεραλέ πράγματα αλλά τι ισαρέν οντουλέν σο κερένα λατσσέ πράγματα. 15 Ανταβά σο μανγκέλα ο Ντεβέλ ισί τι κερέν λατσσέ πράγματα για τι πφάντεν ο μούι οντουλένγκο σο να τσσινέλα λένγκι γκοντί, ντα αντικάς βακερένα λάφια σο να τθερένα αξία. 16 Τι τζουβντιόν σαρ ελεύθεροι ντα μα τι χρησιμοποιήνεν τουμαρί ελευθερία σαρ δικαιολογία για τι κερέν γκεραλέ πράγματα,* αλλά τι χρησιμοποιήνεν-λα για τι υπηρετίνεν ι Ντεβλές. 17 Τι σικαβέν σεβασμός σαβέ τι μανγκές τζενένγκε, τι μανγκέν σαρέ τουμαρέ πφραλέν, τι νταρέν κατά Ντεβέλ, τι σικαβέν σεβασμός κο βασιλιάς.
18 Ο υπηρέτες τι ντεν καν πουμαρέ κυριόντε με μπουτ σεβασμός, όχι σάντε οντουλέντε σο ισί λατσσέ ντα λογικοί, αλλά οντουλέντε-ντα σο ισί δύσκολος τι ατσσόν ευχαριστημέ. 19 Άμα εκ τζενό νταϊντίνελα κάνα τζάνα λέσαρ κόντρα ντα κάνα νακχέλα δυσκολίες* επειδή προσπαθίνελα τι τθερέλ πάκι συνείδηση* ανγκλάλ κο γιακχά κι Ντεβλέσκε, ανταβά κερέλα ο γκι ι Ντεβλέσκο. 20 Σο αξία τθερέλα άμα νταϊντίνενα κάνα νταπένα-τουμέν επειδή αμαρτιντέν; Άμα όμως νταϊντίνενα κάνα τσσίντενα μπουτ επειδή κερένα λατσσέ πράγματα, ανταβά κερέλα ο γκι ι Ντεβλέσκο.
21 Ο Ντεβέλ τραμπιντάς-τουμέν για τι ακολουθίνεν ανταβά ντρομ, επειδή ο Χριστός τσσιντιντάς μπουτ τουμένγκε. Μουκχλάς τουμένγκε παράδειγμας για τι ακολουθίνεν λέσκε βήματα καζόμ πο λατσσές αβέλα-πες. 22 Βοβ να κερντάς αμαρτία ούτε βακερντάς λάφια για τι χουχαβέλ. 23 Κάνα προσβαλίνενας-λες, να προσβαλίνελας βοβ-ντα. Κάνα τσσίντελας μπουτ, να νταραβέλας ι γιαβερέν, αλλά μουκχλάς πο νεαυτός Οντουλέστε σο κρίνελα δίκαια. 24 Βοβ λιντάς αμαρέ αμαρτίες οπρά-πέστε κάνα λέσκο σώμας ισινέ ιμπλαντό κο κας* για τι ελευθερώντιβας κατά αμαρτίες ντα τι τζουβντιάς για τι κεράς ο σωστός. «Λέσκε πληγένταρ αβιλέν λατσσές». 25 Ισινένας σαρ μπρακέ σο γκιλέας γιαβερέ ντρομέστε, αλλά ακανά βουρτισάλεν κο τσομπάνης σο αρακχαβέλα-τουμέν.*