Ο Γράμμας σο Γραφιντάς ο Ιάκωβος

4 Κατάρ αβένα ο μπαρέ ντα ο χουρντέ καβγκάδες σο κερένα ο εκ ι γιαβερέσαρ; Να αβένα κατά μπέτι πράγματα σο μανγκέλα ο γκι ντα σο κερένα τζένγκι* αντρέ τουμέντε; 2 Μανγκένα κάτι, αλλά να τθερένα-λες. Τθερένα μίσος* ντα ισινέν μπίτσαλε γιακχάκε, όμως ναστί λένα οντουβά σο μανγκένα. Χάνα-τουμέν ντα κερένα μπαρέ καβγκάδες. Να τθερένα σόσκε να μανγκένα κατά Ντεβέλ. 3 Κάνα μανγκένα κάτι κατά Ντεβέλ, να ντέλα-λες τουμέντε σόσκε μανγκένα-λες για τι κερέν γκεραλέ* πράγματα ντα πράγματα σο μανγκέλα ο γκι.

4 Τουμέν σο να ισινέν πιστοί,* να τζανένα ότι άμα ισινέν αμαλά* ι ντουνιάσαρ ισινέν ντουσμάνια* ι Ντεβλέσαρ; Άρα, κον μανγκέλα τι αβέλ αμάλ ι ντουνιάσκο κερέλα πο νεαυτός ντουσμάνι ι Ντεβλέσκο. 5 Η Γραφή βακερέλα: «Αμαρό γκι* σο τθερέλα ζήλια πφερντί μίσος να τσσιναβέλα τι μανγκέλ διάφορα πράγματα». Πακιάνα ότι σινανέ βακερέλα ανταλά λάφια; 6 Όμως, ο λατσσιπέ σο σικαβέλα ο Ντεβέλ ισί πο μπαρό. Οτθάρ, η Γραφή βακερέλα: «Ο Ντεβέλ τζάλα κόντρα κο μπαρικανέ, αλλά σικαβέλα μπαρό λατσσιπέ κο ταπεινοί».

7 Οτθάρ, ντεν καν κο Ντεβέλ, αλλά τζαν κόντρα κο Μπενγκ, ντα βοβ κα νασέλ τουμένταρ. 8 Τζαν πασέ κο Ντεβέλ, ντα κα αβέλ βοβ-ντα πασέ τουμέντε. Καθαρίνεν τουμαρέ βαστά, αμαρτωλοί, ντα τουμαρό γκι, τουμέν σο να τζανένα σο μανγκένα. 9 Τθερέν λύπη ντα ροβέν. Τουμαρό ασαπέ τι αβέλ λύπη, ντα τουμαρί χαρά τι αβέλ στεναχώρια. 10 Τι αβέν ταπεινοί κο γιακχά κι Ιεχωβάσκε,* ντα βοβ κα βάντελ-τουμέν οπρέ.

11 Μα πφιραβέν μπέτι λάφια ο εκ ι γιαβερέσκε, πφραλάλεν. Κον πφιραβέλα μπέτι λάφια εκχέ πφραλέσκε ή κρίνελα πι πφραλές πφιραβέλα μπέτι λάφια σο τζάνα κόντρα κο νόμος ντα κρίνελα ο νόμος. Άμα κρίνεσα ο νόμος, να ισινάν οντουβά σο κερέλα ο νόμος, αλλά οντουβά σο κρίνελα. 12 Οντουβά σο Ντέλα ο Νόμοι ντα Οντουβά σο Κρίνελα ισί σάντε ο Ντεβέλ. Σάντε βοβ μπορίνελα τι σώνελ ντα τι καταστραφίνελ εκχέ τζενές. Αλλά τούι κον ισινάν για τι κρίνες ι γιαβερέν;*

13 Ασουνέν, ακανά, τουμέν σο βακερένα: «Αντιβές ή γιαβίν κα τζας οντουλέ τθεμέστε ντα κα μπεσάς οτθέ εκ μπρες, κα κεράς μπουτί ντα κα νικαβάς λοβέ», 14 ενώ να τζανένα σαρ κα αβέλ τουμαρί ζωή γιαβίν. Ισινέν σαρ ομίχλη σο ατσσόλα για χάνικ ντα σοράν νασέλα. 15 Οκιά μπάνταρ, πρέπει τι βακερέν: «Άμα ο Ιεχωβά* μανγκέλα, κα τζουβντιάς ντα κα κεράς ακαβά ή οκουβά». 16 Αλλά ακανά ισινέν μπαρικανέ ντα σάντε ισαρένα-τουμέν. Ασακό ισαριπέ ισί γκεραλό. 17 Άρα, άμα εκ τζενό τζανέλα καβά ισί ο σωστός αλλά να κερέλα-λες, αμαρτίνελα.