Σο Μπορίνασα τι Σικλιάς Κατά Ντεβλέσκο Λάφι
Η Αγία Γραφή τθερέλα ο λάφια ι Ντεβλέσκε αμένγκε σο τζουβντιάσα αντιβές. Σικαβέλα αμένγκε σαρ κα τθεράς επιτυχία αμαρέ ζωγιάτε ντα σαρ κα τθεράς εκ λατσσί σχέση ι Ντεβλέσαρ. Επίσης, ντέλα απαντήσεις κο ερωτήσεις σο ισί πιο τελέ:
5 Σο ισί οντουβά σο μανγκέλα τι βακερέλ αμένγκε η Αγία Γραφή;
6 Σο βακερντάας η Αγία Γραφή ι Χριστόσκε πριν τι αβέλ κι πφουβ;
10 Σο υπόσχεση ντέλα η Αγία Γραφή οντουλένγκε σο κα αβέν-πες ανγκλ’ αμέντε;
19 Καβά ισί ο θέμας σο τθερένα ο βιβλία σο ισί κι Αγία Γραφή;
20 Σαρ μπορίνενα τι βοηθίντιβεν πιο μπουτ όταν διαβάνενα ι Αγία Γραφή;
ΣΑΡ ΤΙ ΑΡΑΚΧΕΝ ΕΔΑΦΙΑ ΚΙ ΑΓΙΑ ΓΡΑΦΗ
Η Αγία Γραφή τθερέλα 66 πιο χουρντέ βιβλία. Χωρίντιβελα σε ντούι μέρη: κο Εβραϊκές-Αραμαϊκές Γραφές («Παλαιά Διαθήκη») ντα κο Ελληνικές Γραφές («Καινή Διαθήκη»). Κάθε βιβλίος σο τθερέλα η Αγία Γραφή χωρίντιβελα σε κεφάλαια ντα εδάφια. Για τι αρακχάς εκ εδάφιος, πρώτα ισί ι βιβλιόσκο ναβ, σοράν ο πρώτος αριθμός σικαβέλα ο κεφάλαιος ντα ο γιαβέρ αριθμός ή αριθμοί ο εδάφιος ή ο εδάφια. Για παράδειγμας, όταν ντικχάσα Γένεση 1:1, πουτράσα ι Γραφή κι Γένεση, κεφάλαιος 1, εδάφιος 1.