ΕΡΩΤΗΣΗ 6
Σο βακερντάας η Αγία Γραφή ι Χριστόσκε πριν τι αβέλ κι πφουβ;
ΠΡΟΦΗΤΕΙΑ
«Τούι, Βηθλεέμ Εφραθά, . . . τούταρ κα νικιόλ μάνγκε οντουβά σο κα αβέλ άρχοντας κο Ισραήλ».
Μιχαίας 5:2
ΣΑΡ ΝΙΚΙΣΤΙΛΙ ΜΠΑΓΙΑ
«Αφού μπιάντιλο ο Ιησούς κι Βηθλεέμ κι Ιουδαία, αζομάν σο ισινέ βασιλιάς ο Ηρώδης, αστρολόγοι κατά ανατολή αβιλέ κι Ιερουσαλήμ».
ΠΡΟΦΗΤΕΙΑ
«Ιλιαβένα μο σέα ο εκ κο γιαβέρ, ντα τσσουβένα λένγκε κλήρος».
Ψαλμός 22:18
ΣΑΡ ΝΙΚΙΣΤΙΛΙ ΜΠΑΓΙΑ
«Αφού ο στρατιώτες καρφωντέ ι Ιησούς εκχέ καστέστε, λιντέ λέσκε σέα ντα πφαραντέ-λεν σταρέ κοτορέντε . . . Αλλά οντουβά σο ιρίλας αντράλ να τθερέλας ούτε εκ ραφή, αφού ισινέ σουβντό οπράλ μέχρι τελάλ. Οτθάρ, βακερντέ ο εκ κο γιαβέρ: “Μα τι πφαραβάς-λες, αλλά τι τσσουβάς κλήρος για τι ντικχάς κον ισί οντουβά σο κα λελ-λες”».
ΠΡΟΦΗΤΕΙΑ
«Βοβ αρακχαβέλα σαρέ ο κόκαλα λέσκε· ούτε εκ τανό να πφανγκιλό».
Ψαλμός 34:20
ΣΑΡ ΝΙΚΙΣΤΙΛΙ ΜΠΑΓΙΑ
«Κάνα αβιλέ κο Ιησούς, ντικχλέ ότι ισινέ μουλό, οτθάρ να πφανγκλέ λέσκε τσανγκά».
ΠΡΟΦΗΤΕΙΑ
«Καρφωντέ-λες αμαρέ αμαρτιένγκε».
Ησαΐας 53:5
ΣΑΡ ΝΙΚΙΣΤΙΛΙ ΜΠΑΓΙΑ
«Εκ κατά στρατιώτες καρφωντάς-λες με εκ δόρυ, ντα αμέσως νικίστιλο ρατ ντα πανί».
ΠΡΟΦΗΤΕΙΑ
«Μπικιντέ-μαν για τριάντα ασημένια νομίσματα».
Ζαχαρίας 11:12, 13
ΣΑΡ ΝΙΚΙΣΤΙΛΙ ΜΠΑΓΙΑ
«Αζομάν εκ τανό κατά δώδεκα, σο βακερένας λέσκε Ιούδας Ισκαριώτης, γκιλό κο παπάζια ντα βακερντάς: “Σο κα ντεν-μαν για τι γκεράβ-τουμέν λέστε;” Βον βακερντέ λέσκε ότι κα ντεν-λες τριάντα ασημένια νομίσματα».