Ο Ντεβέλ Μανγκέλα Τουμένταρ τι Αβέν Λέσκε Αμαλά

Ο Ντεβέλ μανγκέλα τι αβέν λέσκε αμαλά. Σκεφτισάλεν ποτές ότι κα μπορίνενας τι αβέν αμαλά Οντουλέσαρ σο ισί ο πιο μπαρό σαρό κο σύμπαν; Ο Αβραάμ, σο τζουβντιλόας κο πουρανέ μπρεσά, βακέρντιλο αμάλ ι Ντεβλέσκο. (Ιακώβου 2:​23) Η Γραφή βακερέλα γιαβερέ-ντα τζενένγκε σο τθερένας ι χαρά τι αβέν αμαλά ι Ντεβλέσαρ ντα ευλογισάλε μπουτ πουμαρέ ζωγιάτε. Αντιβές, τζενέ σαρέ κατά τθεμά αβιλέ αμαλά ι Ντεβλέσκε. Τουμέν-ντα επίσης μπορίνενα τι αβέν αμαλά ι Ντεβλέσκε.

Ισί μπουτ πιο λατσσές κάποιος τι αβέλ αμάλ ι Ντεβλέσκο παρά τι αβέλ αμάλ εκχέ τζενέσκο. Ο Ντεβέλ ποτές να κα πφανγκέλ ο γκι πι πιστέ αμαλένγκο. (Ψαλμός 18:​25) Ισί πιο λατσσό τι αβέν αμαλά ι Ντεβλέσκε παρά τι αβέν χουλανέ. Όταν μερέλα εκ τζενό σο ισί χουλανό, γιαβερά τζενέ λένα λέσκε λοβέ. Αλλά οντουλά σο τθερένα ι χαρά τι αβέν αμαλά ι Ντεβλέσκε τθερένα εκ θησαυρός σο να μπορίνελα καέκ τι λελ-λες λένταρ.​—Ματθαίος 6:19.

Μερικά τζενέ μπορεί τι προσπαθίνεν τι σταματίνεν-τουμέν τι σικλιόν ι Ντεβλέσκε. Ατζέ-ντα μερικοί τουμαρέ αμαλένταρ ή τουμαρέ τζενένταρ μπορεί τι κερέν-λες ανταβά. (Ματθαίος 10:​36, 37) Άμα ο γιαβερά κοροϊδίνενα-τουμέν ή βακερένα ότι κα κερέν τουμένγκε κακός, πουτσέν τουμαρό νεαυτός: “Κας μανγκάβα τι ευχαριστίναβ​—ι τζενέν ή ι Ντεβλές;” Σκεφτίνεν: Άμα κάποιος κα βακερέλας τουμένγκε τι σταματίνεν τι χαν, κα ασουνένας-λες; Σίγουρα όχι! Χρειαζίντιβενα χαμπέ για τι τζουβντιόν. Ο Ντεβέλ, όμως, μπορίνελα τι ντελ-τουμέν ζωή για τι τζουβντιόν για πάντα! Οτθάρ, ποτές μα τι μουκχέν ούτε εκχέ τζενές τι σταματίνελ-τουμέν τι σικλιόν σαρ μπορίνενα τι αβέν αμαλά ι Ντεβλέσκε.​—Ιωάννης 17:3.