Η Μαγεία ντα σο Τθερέλα τι Κερέλ Λάσαρ Ισί Μπέτι Πράγματα

Ο Σατανάς κα χαιρίνελας άμα τουμέν κα κερένας μάγια. Μπουτ τζενέ κερένα θυσίες πουμαρέ τζενένγκε σο μουλέ ή κο πνεύματα για τι αρακχαβέν-πες κατά κακός. Κερένα-λες ανταβά επειδή νταρένα κατά γκεραλέ πνεύματα. Ιρίνα μαγικά ανγκρουσνιά ή μπιζιλίκια. Πίνα ή μορένα πουμαρέ σωμάστε «φάρμακα» σο πακιάνα ότι τθερένα μαγική δύναμη. Μερικά τζενέ γκεραβένα πουμαρέ κχερέντε ή τελέ κι πφουβ πράγματα σο αμντίνενα ότι τθερένα ι ζορ τι αρακχαβέν-λεν. Γιαβερά τζενέ χρησιμοποιήνενα «ιατρική» μαγεία επειδή αμντίνενα ότι κα τζαν πιο λατσσές λένγκε μπουτιά, ο εξετάσεις σο γραφίνενα κο σχολείος ή εκ σχέση σο μανγκένα τι κερέν.

Ο πιο λατσσό τρόπος για τι αρακχαβέν-τουμέν κατά Σατανάς ισί τι τθερέν αμάλ ι Ιεχωβάς. Ο Ιεχωβά Ντεβέλ ντα λέσκε άγγελοι ισί μπουτ πιο ζουρανέ κατά Σατανάς ντα λέσκε δαιμονένταρ. (Ιακώβου 2:​19· Αποκάλυψη 12:9) Ο Ιεχωβά μανγκέλα αντράλ πι γκίσταρ τι σικαβέλ πι ζορ για τι λελ ο δίκια πι αμαλένγκε​—οντουλένγκε σο ισί πιστοί λέστε σαρέ κο πράγματα.​—2 Χρονικών 16:9.

Ο Λάφι ι Ντεβλέσκο βακερέλα: «Δεν πρέπει τι κερέν μάγια». Ο Ιεχωβά μισίνελα ι μαγεία ντα σο γιαβέρ τθερέλα τι κερέλ λάσαρ, επειδή ανταλά πράγματα μπορίνενα τι γκερέν εκχέ τζενές κατευθείαν κο βαστά κι Σατανάσκε.​—Λευιτικό 19:26.