Τι Ντεν-τουμέν Γκοντί ι Ρομνιά του Λωτ

Ο Λωτ ντα λέσκο κακ ο Αβραάμ, τζουβντιόνας κο τθεμ Χαναάν. Όμως καζόμ νακχένας ο μπρεσά, ο Αβραάμ ντα ο Λωτ τθερένας αζόμ μπουτ ζώα σο να ερεσέλας ο τθαν σαριλένγκε. Ο Αβραάμ βακερντάς κο Λωτ: “Να αβέλα-πες τι τζουβντιάς γιεκ κο ίδιος τθαν. Μολίναβα-τουτ, τράμπινε κατέ μανγκέσα τι τζας, ντα με κα τζαβ κατά γιαβέρ μπάντα”. Ο Αβραάμ να ντικχέλας σάντε πο νεαυτός, αντικάς νανέ;

Ο Λωτ ντικχλάς εκ σουκάρ τθαν πασέ κι πόλη σο βακέρντιβελας Σόδομα. Οτθέ ισινέ μπουτ πανί ντα ντιπ πράσινος τσαρλίκι. Τραμπιντάς ανταβά τθαν ντα γκιλό οτθέ πι φαμιλιάσαρ.

Ο τζενέ σο μπεσένας κο Σόδομα ντα κι γιαβέρ πόλη οτθέ πασέ, κο Γόμορρα, ισινέ μπουτ γκεραλέ. Ισινέ αζόμ γκεραλέ σο ο Ιεχωβά αποφασιντάς τι κερέλ καταστροφή ανταλά πόλεις. Αλλά ο Ντεβέλ μανγκέλας τι σώνελ τον Λωτ ντα λέσκι φαμιλί. Ανταλέσκε, μπουτσσαντάς ντουέ αγγελόν για τι βακερέν λένγκε: “Σουγκό! Νασέν κατά πόλη ανταγιά! Ο Ιεχωβά κα καταστραφίνελ-λα”.

Ο Λωτ να νασλό σουγκό. Οτθάρ, ο άγγελοι λιντέ κατά βας τον Λωτ, λέσκε ρομνιά ντα λέσκε τσσαΐν, νικαντέ-λεν σουγκό αβρί κατά πόλη, ντα βακερντέ: “Τθάβντεν για τι σώνεν τουμαρί ζωή ντα μα ντικχέν παλάλ! Άμα κα ντικχέν παλάλ, κα μερέν!”

Κάνα ερεσλέ κι πόλη σο βακέρντιβελας Σηγώρ, ο Ιεχωβά κερντάς τι πφερέλ κατά ουρανός γιακ ντα θειάφι οπράλ κο Σόδομα ντα κο Γόμορρα. Ανταλά ντούι πόλεις καταστραφισάλε ντιπ ντα ντιπ. Κάνα η ρομνί του Λωτ να ασουντάς ι Ιεχωβάς ντα ντικχλάς παλάλ, αβιλί λον ντα σουκιλί! Ο Λωτ ντα λέσκε τσσαγιά όμως ισινέ αρακχαντέ επειδή ντινέ καν ι Ιεχωβάς. Πρέπει τι ισινέ μπουτ στεναχωριμέ σο η ρομνί του Λωτ να ντινάας καν. Αλλά ισινέ χαρούμενοι σόσκε βον κερντέας οντουβά σο βακερντάας ο Ιεχωβά.