Ο Καντραλό Θάμνος σο Πφαμπόλα

Ο Μωυσής μπεσλό 40 μπρεσά κι Μαδιάμ. Παντρισάλο ντα κερντάς τσσαβέν. Εκ ντιβές σο φροντίνελας πι μπρακέν πασέ κο βες Σινά, ντικχλάς κάτι μπουτ περίεργος. Εκ θάμνος σο ισινέ καντραλό τθερέλας λιντό γιακ αλλά να πφαμπόλας! Κάνα ο Μωυσής γκιλό πασέ τι ντικχέλ σόσκε αβέλας-πες ανταβά, ασουντάς εκ φωνή αντράλ κατά θάμνος σο βακερέλας: “Μωυσή! Μα έλα πο πασέ. Νίκαβ το τεραχά επειδή ισταβέσα άγιε τθανέστε”. Ο Ιεχωβά κερέλας λέσκε λάφι αντράλ εκχέ αγγελόσταρ.

Ο Μωυσής νταρασάλο οτθάρ ιτσσαρντάς πο μούι. Η φωνή βακερντάς: “Τθεράβα ντικχλό ο βάσανα ι Ισραηλιτένγκε. Κα σώναβ-λεν κατά Αιγύπτιοι ντα κα γκεράβ-λεν εκχέ λατσσέ τθανέστε. Τούι ισινάν οντουβά σο κα νικαβέλ μι λαός κατά Αίγυπτος”. Σο πακιάσα ατσσιλό ο Μωυσής πουταρντέ μόσαρ;

Ο Μωυσής πουτσλάς: “Σο πρέπει τι βακεράβ κάνα ο λαός κα πουτσέλ-μαν κον μπουτσσαντάς-μαν;” Ο Ντεβέλ απαντιντάς: “Βάκερ λένγκε ότι ο Ιεχωβά, ο Ντεβέλ του Αβραάμ, ο Ντεβέλ του Ισαάκ ντα ο Ντεβέλ του Ιακώβ μπουτσσαντάς-τουτ”. Ο Μωυσής βακερντάς αζομάν: “Ντα σο κα αβέλ-πες άμα να ασουντάς-μαν ο λαός;” Ο Ιεχωβά ντινάς αποδείξεις κο Μωυσής ότι Βοβ κα βοηθίνελας-λες. Βακερντάς κο Μωυσής τι φουρτίνελ πι μαγκούρα τελέ. Αζομάν η μαγκούρα αβιλί σαπ! Κάνα ο Μωυσής ασταρντάς ι σαπές κατά πορί, ο σαπ αβιλό πάλι μαγκούρα. Ο Ιεχωβά βακερντάς: “Κάνα κα κερές-λες ανταβά οτθέ, κα αγαντίντιβελ ότι με μπουτσσαντόμ-τουτ”.

Ο Μωυσής βακερντάς: “Με να αγαβάβα τι κεράβ λάφι”. Ο Ιεχωβά ντινάς-λες πο λάφι: “Με κα βακεράβ τούκε σο κα βακερές, κα μπουτσσαβάβ τούσαρ τι πφραλές-ντα, τον Ααρών, για τι βοηθίνελ-τουτ”. Αφού ο Μωυσής τζανέλας ότι ο Ιεχωβά ισινέ λέσαρ λιντάς πι ρομνιά ντα πι τσσαβέν ντα αρχιντάς ο ταξίδι για τι βουρτίνελ κι Αίγυπτος.