Ο Ιησούς Τραμπίνελα 12 Αποστολόν

Αφού ο Ιησούς μουτθαντάς ο λατσσέ αμπέρια περίπου ενάμιση μπρες, έπρεπε τι λελ εκ σημαντική απόφαση. Καλέ τζενέν κα τραμπίνελας για τι κερέν λέσαρ μπουτί; Καλέ τζενέν κα σικλιαρέλας για τι κερέν κουμάντος ι Χριστιανική κχανγκιρί; Για τι λελ ανταλά αποφάσεις, ο Ιησούς μανγκέλας ι βοήθεια ι Ιεχωβάσκι. Οτθάρ, γκιλό εκχέ βεσέστε σο κα μπορίνελας τι ατσσόλ κορκορό ντα κερντάς προσευχή σάρι ι ιράτ. Πρωί, βικιντάς μερικέ πι μαθητένταρ ντα τραμπιντάς πι 12 αποστολόν. Ντέσα-τουτ γκοντί μερικά κατά ναβά λένγκε; Λένγκε ναβά ισινέ: Πέτρος, Ανδρέας, Ιάκωβος, Ιωάννης, Φίλιππος, Βαρθολομαίος, Θωμάς, Ματθαίος, Ιάκωβος ο τσσαβό του Αλφαίου, Θαδδαίος, Σίμων ντα Ιούδας ο Ισκαριώτης.

Ο 12 απόστολοι κα κερένας ταξίδια λέσαρ. Αφού σικλιαρντάς-λεν, μπουτσσαντάς-λεν κορκορέ τι μουτθαβέν ο λατσσέ αμπέρια. Ο Ιεχωβά ντινάς-λεν ι ζορ τι νικαβέν δαιμονέν ντα τι κερέν λατσσές ι νασφαλέν.

Ο Ιησούς βακερντάς ότι ο 12 απόστολοι ισινέ λέσκε αμαλά, ντα ντέλας λένγκε μπέσα. Ο Φαρισαίοι πακιάνας ότι ο απόστολοι να ισινέ μορφωμέ ντα ότι ισινέ απλά τζενέ. Αλλά ο Ιησούς σικλιαρντάας-λεν τι κερέν ανταβά έργος. Βον κα αβένας γιεκ ι Ιησούσαρ κο πο σημαντικά σαάτια λέσκε ζωγιάκε, σαρ ισινέ ο σαάτια πριν τι μερέλ ντα σοράν κατά ανάσταση λέσκι. Σαρ ο Ιησούς αντικάς-ντα ο πο μπουτ κατά 12 απόστολοι ισινέ κατά Γαλιλαία. Μερικοί ισινέ παντριμέ.

Ο απόστολοι ισινέ ατελείς ντα κερένας λάθη. Μπάζιμ κερένας λάφι χωρίς τι σκεφτίνεν ντα λένας μπέτι αποφάσεις. Μερικές φορές να τθερένας ιτς υπομονή. Μέχρι σο χάνας-πες κον λένταρ ισινέ ο πο μπαρό. Αλλά ισινέ λατσσέ τζενέ σο μανγκένας ι Ιεχωβάς. Βον κα αβένας ο θεμέλιος ι Χριστιανικέ κχανγκιριάκο κανά ο Ιησούς κα νασέλας.