ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Μα Μπιστρέν τι Προσευχίντιβεν ι Χριστιανόνγκε σο Τθερένα Διωγμός
Η Αγία Γραφή βακερντάς ότι ο Μπενγκ κα τζάλας αμέντζαρ κόντρα ντα κα ανέλας διωγμός για τι σταματίνελ ο έργος σο κεράσα. (Ιωα 15:20· Απ 12:17) Σαρ μπορίνασα τι βοηθίνας αμαρέ πφραλέν σο τθερένα διωγμός γιαβερέ τθεμέντε; Μπορίνασα τι προσευχίντιβας λένγκε. «Η προσευχή σο κερέλα εκ δίκαιος τζενό αντράλ πι γκίσταρ τθερέλα μπουτ ζορ».—Ιακ 5:16.
Καλέ πραγματένγκε μπορίνασα τι προσευχίντιβας; Μπορίνασα τι μανγκάς κατά Ιεχωβά τι ντελ θάρρος αμαρέ πφραλέντε ντα αμαρέ πφενίντε ντα τι βοηθίνελ-λεν για μα τι νταρέν. (Ησ 41:10-13) Επίσης, μπορίνασα τι προσευχίντιβας οντουλένγκε σο κυβερνίνενα για τι μουκχέν-αμέν τι κεράς ο έργος ι Ντεβλέσκο, ντα αντικάς «τι τζουβντιάς αμέν ήρεμα ντα ήσυχα».—1Τι 2:1, 2.
Όταν ο Παύλος ντα ο Πέτρος τθερένας διωγμός, ο Χριστιανοί σο τζουβντιόνας αζομάν προσευχίντιβενας λένγκε. (Πρ 12:5· Ρω 15:30, 31) Ατζέ-ντα άμα να τζανάσα ο ναβά σαρέ οντουλένγκε σο τθερένα διωγμός αμαρέ ντιβεσέντε, μήπως κα μπορίναας τι βακεράς αμαρέ προσευχιάτε καλέ εκκλησιάταρ ή καλέ τθεμέσταρ ισί;